भारतीय क्रिकेट संघातील खेळाडू जेवढे मैदानावर आक्रमक आणि मजेशीर अंदाजात असतात, तेवढेच ते मैदानाबाहेर मजेशीर अंदाजात असल्याचे दिसतात. याचे उदाहरण भारतीय संघाचा विस्फोटक फलंदाज सूर्यकुमार यादव याने दिले. सूर्यकुमार सध्याच्या घडीला सर्वात खतरनाक फॉर्मात आहे. श्रीलंकेविरुद्धच्या टी20 मालिकेत त्याने जबरदस्त प्रदर्शन केले होते. मात्र, त्याला वनडे मालिकेत एक संधी मिळाली होती, पण त्यात तो खास कामगिरी करू शकला नाही. आता तो न्यूझीलंडविरुद्धच्या वनडे मालिकेत खेळताना दिसणार आहे. या मालिकेपूर्वी सूर्यकुमार एक वेगळाच सराव करताना दिसला, ज्याचा व्हिडिओ तुफान व्हायरल होत आहे.
भारत विरुद्ध न्यूझीलंड (India vs New Zealand) संघात 3 सामन्यांच्या वनडे मालिकेला 18 जानेवारीपासून सुरुवात होणार आहे. या मालिकेच्या पहिल्या सामन्यासाठी भारतीय संघ हैदराबादमध्ये पोहोचला आहे. मालिकेपूर्वी सूर्यकुमार यादव (Suryakumar Yadav) मस्तीच्या मूडमध्ये दिसला. त्याने त्याच्या अधिकृत इंस्टाग्राम अकाऊंटवरून एक व्हिडिओ शेअर केला आहे. यामध्ये सूर्यकुमार यादव इमू (Suryakumar Yadav Emu) पक्ष्याप्रमाणे चालण्याची नक्कल करत आहे. यादरम्यान, त्याला कोण कुणाची नक्कल करतंय, असे विचारले असता, त्याने इमूचे नाव घेतले.
हा व्हिडिओ शेअर करत 32 वर्षीय सूर्यकुमारने कॅप्शनमध्ये लिहिले की, “मी इमूची नक्कल करत आहे की, इमू माझी नक्कल करत आहे?”
https://www.instagram.com/reel/CnebFwOjW_2/?utm_source=ig_embed&ig_rid=e0df3fc8-abbb-494e-a08e-134a262c6b50
सूर्यकुमारच्या या व्हिडिओवर चाहत्यांपासून ते क्रिकेटपटूंपर्यंत सर्वजण कमेंट्सचा पाऊस पाडत आहेत. एका युजरने लिहिले की, “अरे! सूर्या दादा त्याला तरी सोड. तो तर हवेत उडतही नाही.” तसेच, भारतीय वेगवान गोलंदाज अर्शदीप सिंग यानेही मजेशीर कमेंट केली. तो म्हणाला की, “मला वाटतं तुमची नक्कल करणे कठीण आहे पाजी, म्हणून तुम्ही कोणाची तरी नक्कल करत आहात.” यासोबत अर्शदीपने हसण्याचा इमोजीही वापरला आहे.
न्यूझीलंडच्या भारत दौऱ्याबद्दल बोलायचं झालं, तर न्यूझीलंड संघाला भारताविरुद्ध 3 वनडे आणि 3 आंतरराष्ट्रीय टी20 सामन्यांची मालिका खेळायची आहे. सूर्यकुमारला वनडे आणि टी20 मालिकेत जागा मिळाली आहे. तसेच, त्याला टी20चा उपकर्णधार म्हणूनही निवडले गेले आहे.
आता सूर्यकुमार यादव न्यूझीलंडविरुद्धच्या मालिकेत काय कामगिरी करतो, याकडे सर्वांचे लक्ष लागले आहे. (cricketer suryakumar yadav imitated emu bird s style of walking shared funny video)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
आता ‘हा’ दिग्गज वाढवणार आयपीएल ‘किंग्स’ची ताकद, नवीन कर्णधारासह उतरणार मैदानात
पाकिस्तानी महिला गोलंदाजामुळे भिडले भारत आणि ऑस्ट्रेलियाचे दिग्गज खेळाडू, जाणून घ्या काय आहे भानगड?
