वातावरण तापलं! ऑस्ट्रेलियन खेळाडूचा स्वत:च्याच बोर्डावर गंभीर आरोप; म्हणाला, ‘ते नेहमी गोऱ्या…’

ऑस्ट्रेलियन क्रिकेटमधून मोठी बातमी समोर येत आहे. ऑस्ट्रेलिया क्रिकेटमध्ये सर्वकाही आलबेल नसल्याचे दिसत आहे. ऑस्ट्रेलियाचा स्टार फलंदाज उस्मान ख्वाजा याने वंशभेदाबाबत खळबळजनक दावा केला आहे. त्याच्या या दाव्याने अनेकांच्या भुवया उंचावल्या आहेत. ख्वाजाने नेमका काय आरोप केलाय चला जाणून घेऊया…

उस्मान ख्वाजा (Usman Khawaja) याने गंभीर आरोप करत म्हटले आहे की, ऑस्ट्रेलियन क्रिकेटमध्ये निवडीच्या वेळी वंशभेद केला जातो. खरं तर, उस्मान ख्वाजा याचा जन्म पाकिस्तानचा आहे. मात्र, तो लहानपणीच सिडनीला गेला होता. तिथे त्याने क्रिकेटचे धडे गिरवले आणि 2016मध्ये ऑस्ट्रेलिया क्रिकेट संघात स्थान मिळवले होते. सध्या तो कसोटी संघाचा नियमित सदस्यही आहे. त्याने 3 वर्षांपासून मर्यादित षटकांच्या क्रिकेट प्रकारातील एकही सामना खेळलेला नाहीये.

काय म्हणाला ख्वाजा?
ख्वाजा याने ऑस्ट्रेलियन माध्यमांशी बोलताना म्हटले की, “हा भेदभाव आहे. जर दोन क्रिकेटपटू आहेत, ज्यातील एक तपकिरी रंगाचा आणि दुसरा गोरा आहे. दोघांमध्ये पूर्णपणे समानता आहे, परंतु तरीही गोरा प्रशिक्षक गोऱ्या क्रिकेटपटूलाच निवडेल. प्रशिक्षक असे यासाठी करेल, कारण त्याचा मुलगा गोऱ्या क्रिकेटपटूसारखा दिसतो. तो त्याच्याशी परिचित आहे.” विशेष म्हणजे, मागील महिन्यात ख्वाजाने ट्विटरवर खुलासा केला होता की, अधिकृत संघात असूनही सुरक्षारक्षकांनी अनेकदा त्याला रोखले होते.

https://www.instagram.com/p/CnOQPeaP8MG/?utm_source=ig_embed&ig_rid=e4999b27-60cc-41dc-bd35-212fc4ca5570

दुसरीकडे, ख्वाजाला जेव्हा विचारण्यात आले की, जागतिक पातळीवरील विविधतेच्या कमतरतेने त्याला कारकीर्दीत मागे ढकलले आहे का? यावर तो म्हणाला की, “मला अनेक संधी आल्या, जेव्हा मला संघात निवडले गेले पाहिजे होते, परंतु असे होऊ शकले नाही.” त्याने ऑस्ट्रेलियन क्रिकेटमध्ये बदल घडवण्यासाठी लढाई सुरू ठेवण्याचे वचन दिले आहे. त्याने म्हटले की, “आम्ही एक लांबचा पल्ला गाठला आहे. मी पुढेही ही लढाई लढत राहील. लोकांना याबाबत माहिती व्हावी अशी माझी इच्छा आहे.”

उस्मान ख्वाजाची कारकीर्द
उस्मान ख्वाजा याने ऑस्ट्रेलिया संघाकडून आतापर्यंत 56 कसोटी सामने, 49 वनडे सामने आणि 9 आंतरराष्ट्रीय टी20 सामने खेळले आहेत. यादरम्यान त्याने कसोटीत 4162 धावा, वनडेत 1554 धावा आणि आंतरराष्ट्रीय टी20त 241 धावा केल्या आहेत. यादरम्यान त्याने एकूण 15 आंतरराष्ट्रीय शतकेही झळकावली आहेत. (cricketer usman khawaja speaks about the racial bias in australian cricket)

महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
बिग ब्रेकिंग! महिला क्रिकेटरची आत्महत्या, झाडाला लटकलेल्या अवस्थेत सापडला मृतदेह
तो आला, त्याने मॅच जिंकून दिली; तरीही ड्रेसिंग रूममध्ये का खावा लागला ओरडा?, कुलदीपचा मोठा खुलासा