‘बायकोला कुठं सोडू?’, बसमध्ये चल म्हणणाऱ्या नेहराला चहलचे प्रत्युत्तर; एकदा पाहाच

गुजरात टायटन्स संघाने आपल्या पहिल्याच आयपीएल हंगामात जबरदस्त कामगिरी केली. त्यांनी आयपीएल २०२२मध्ये पहिल्यांदा प्लेऑफ फेरी गाठत पुढे अंतिम सामन्यातही धडक मारली. तसेच, अंतिम सामन्यात राजस्थान रॉयल्स संघाला चारी मुंड्या चीत करत पहिला वहिला आयपीएलचा किताब आपल्या नावावर केला. भारतीय संघाचा माजी वेगवान गोलंदाज आणि गुजरात टायटन्सचा मुख्य प्रशिक्षक आशिष नेहरा याचे चांगलेच कौतुक केले जात आहे. त्याच्या प्रशिक्षणाखाली कागदावर मजबूत दिसणाऱ्या गुजरात संघाने आयपीएल ट्रॉफी जिंकली. आता तो वेगळ्या कारणामुळे चर्चेत आहे.

भारतीय संघाचा फिरकीपटू युझवेंद्र चहल (Yuzvendra Chahal) याच्यासोबतचा आशिष नेहरा (Ashish Nehra) याचा एक व्हिडिओ तुफान व्हायरल होत आहे. चहल आयपीएलमध्ये राजस्थान रॉयल्स (Rajasthan Royals) संघाचा भाग होता. त्याने रॉयल चॅलेंजर्स बेंगलोर संघात असताना नेहरासोबत काम केले आहे.

सध्या व्हायरल होत असलेल्या व्हिडिओमध्ये चहल आणि नेहरा एकत्र दिसत आहेत. नेहरा चहलला त्याच्यासोबत बसमध्ये येण्यास सांगत आहे. मात्र, चहल हे ऐकण्यास नकार देत आहे. तो म्हणतो की, त्याला त्याची पत्नी धनश्री वर्मासोबत कारमध्ये जायचे आहे.

इंस्टाग्रामवर पोस्ट करण्यात आलेल्या या व्हिडिओला लाखो लाईक्स मिळाले आहेत. धनश्री कारमध्ये बसल्यानंतर चहलही तिच्यासोबत चालू लागतो. जसे चहल तिच्या कारच्या जवळ जातो, तसा नेहराचा आवाज येतो. तो चहलला म्हणतो की, “अरे तू इथे बसमध्ये ये.”

https://www.instagram.com/reel/CeVVgjCFmhM/?utm_source=ig_embed&ig_rid=6bba8a4d-e2ce-4ab6-9592-3f3c3e713217