आयपीएल ऑक्शनपूर्वीच दिल्ली कॅपिटल्सकडून प्रमुख दोन खेळाडू रिलीज, मोठे कारण आले समोर

आयपीएल 2024 साठी लिलाव 19 डिसेंबर रोजी दुबईमध्ये होणार आहे आणि त्यापूर्वी सर्व खेळाडूंना सोडण्याची आणि रिटेन करण्याची प्रक्रिया सुरू आहे. या हंगामात दिल्ली कॅपिटल्सनेही मोठा निर्णय घेतला आहे. दिल्ली कॅपिटल्सने आपले दोन प्रमुख फलंदाज मनीष पांडे आणि सरफराज खान यांना संघातून सोडले आहे. गेल्या मोसमात या दोन्ही खेळाडूंची कामगिरी फारशी चांगली राहिली नव्हती.

सरफराज खान (Sarfaraz Khan) गेल्या काही मोसमात दिल्ली कॅपिटल्समध्ये होता पण त्याची कामगिरी फारशी चांगली नव्हती. आयपीएल 2023 मध्ये त्याने चार सामन्यांत केवळ 53 धावा केल्या. तर मनीष पांडे (Manish Pande) याने 10 सामन्यात 160 धावा केल्या होत्या. खालच्या फळीत खेळताना तो फिनिशरची भूमिका चांगल्या प्रकारे पार पाडेल, अशा सरफराजकडून खूप अपेक्षा होत्या पण त्याला तसे करता आले नाही. तर मनीष पांडेही मोठी केळी खेळण्यात अपयशी ठरला.

दिल्ली कॅपिटल्सची गेल्या मोसमात कामगिरी चांगली नसल्यामुळे ते 9व्या स्थानावर होते. संघ नियमित कर्णधार ऋषभ पंत
याच्याशिवाय खेळत होता आणि चांगली कामगिरी करू शकला नाही. तथापि, ऋषभ पंत आयपीएल 2024 मधून पुनरागमन करत आहे आणि अशा परिस्थितीत संघ लिलावादरम्यान आणखी काही चांगले खेळाडू संघात घेऊ इच्छित आहे.

आयपीएल 2024 पूर्वी आणखी एक मोठा लिलाव झाला आहे. लखनऊ सुपर जायंट्स आणि राजस्थान रॉयल्स यांच्यात दोन प्रमुख खेळाडूंसाठी हा लिलाव होता, ज्यामध्ये लखनऊने त्यांचा प्रमुख वेगवान गोलंदाज आवेश खान याच्या बदल्यात राजस्थानच्या देवदत्त पडिक्कल याला संघात सामील केले आहे. या दोन्ही खेळाडूंची गेल्या हंगामात कामगिरी बरी राहिली होती, जे कदाचित त्यांच्या लिलावाचे कारण बनले. येत्या काही दिवसांत संघांकडून अधिक खेळाडू खरेदी केल्याचे दिसू शकते. (Delhi Capitals released two key players before the IPL auction the big reason came out)

म्हत्वाच्या बातम्या

दोन वर्षात 9 कॅप्टन, टीम इंडियाने 2021 पासून ‘या’ खेळाडूंना दिली कर्णधारपदाची संधी; पाहा यादी
INDvsAUS T20 मालिकेतील पहिला सामना कुठे, कधी आणि कसा पाहता येईल? सर्व माहिती एकाच क्लिकवर