धर्मशाला येथे अफगाणिस्तानला 7 विकेट्सने हरवल्यानंतर, आता टीम इंडियाची नजर 17 जून रोजी लखनऊच्या ‘भारतरत्न श्री अटल बिहारी वाजपेयी इकाना क्रिकेट स्टेडियम’वर होणाऱ्या दुसऱ्या वनडे सामन्यावर आहे. हा सामना जिंकून मालिका आपल्या नावावर करण्याचा भारताचा मानस असेल. या सामन्यात कर्णधार शुबमन गिल (Captain Shubman gill and Head Coach Gautam Gambhir) आणि प्रशिक्षक गौतम गंभीर दोन युवा खेळाडूंना संधी देऊ शकतात, ज्यासाठी दोन स्टार खेळाडूंना विश्रांती दिली जाऊ शकते.
आयसीसी वनडे वर्ल्ड कप 2027 च्या तयारीचा भाग म्हणून बीसीसीआय आणि टीम मॅनेजमेंट नवीन खेळाडूंना आजमावू इच्छित आहे. त्यामुळे नंबर 3 वर यशस्वी जयस्वालला संधी मिळू शकते. अशा स्थितीत केएल राहुलला विश्रांती देऊन ईशान किशनला नंबर 5 वर खेळवले जाऊ शकते. तसेच, प्रसिद्ध कृष्णाच्या जागी आयपीएल 2026 मध्ये दमदार कामगिरी करणारा युवा गोलंदाज प्रिन्स यादवला संधी दिली जाऊ शकते. प्रिन्स हा लखनऊच्या स्थानिक मैदानावर खेळण्याचा अनुभव असलेला खेळाडू आहे. बाकी टीममध्ये कोणताही बदल होण्याची शक्यता कमी आहे.
रोहित शर्माकडून (Rohit Sharma) या सामन्यात मोठ्या खेळीची अपेक्षा असेल, तर हर्ष दुबे आणि गूरनूर बरार या युवा खेळाडूंसाठी हा सामना एक मोठी परीक्षा असेल.
दुसऱ्या वनडेसाठी संभाव्य टीम इंडिया (प्लेइंग 11):
रोहित शर्मा, शुबमन गिल (कर्णधार), यशस्वी जयस्वाल, श्रेयस अय्यर (उपकर्णधार), ईशान किशन (विकेटकीपर), नितीश कुमार रेड्डी, वॉशिंग्टन सुंदर, हर्ष दुबे, गूरनूर बरार, अर्शदीप सिंह आणि प्रिन्स यादव.
