रोहित शर्माच्या नेतृत्त्वाखालील मुंबई इंडियन्स आणि रिषभ पंतच्या नेतृत्त्वाखालील दिल्ली कॅपिटल्स शनिवारी (२१ मे) रोजी आयपीएल २०२२च्या ६९व्या सामन्यासाठी भिडणार आहेत. हा सामना अतिशय महत्त्वाचा असून या सामन्याद्वारे प्लेऑफमधील पात्र चौथा संघ ठरेल. जर दिल्लीने हा सामना जिंकला, तर ते प्लेऑफमध्ये धडक मारतील आणि लखनऊ सुपरजायंट्सविरोधात एलिमिनेटर सामना खेळतील.
याउलट जर मुंबईने या सामन्यात बाजी मारली, तर रॉयल चॅलेंजर्स बेंगलोर प्लेऑफमध्ये पोहोचेल. यापूर्वी गुजरात टायटन्स, राजस्थान रॉयल्स आणि लखनऊ सुपरजायंट्स प्लेऑफमध्ये पात्र ठरले आहेत.
त्यामुळे मुंबई विरुद्ध दिल्ली सामन्यावर उभय संघांच्या चाहत्यांसह बेंगलोर संघाच्या चाहत्यांच्याही नजरा लागून आहेत. दरम्यान बेंगलोर संघाचा यष्टीरक्षक फलंदाज दिनेश कार्तिक याने एक ट्वीट केले आहे, जे मोठ्या प्रमाणात व्हायरल होत आहे.
कार्तिकने त्याच्या ट्वीटर अकाउंटवर आपला जुना फोटो शेअर केला आहे, ज्यामध्ये त्याने मुंबई इंडियन्सची जर्सी घातलेली दिसत आहे. कार्तिकच्या या फोटोवरून स्पष्ट होते की, मुंबई विरुद्ध दिल्ली सामन्यासाठी त्याच्यासह संपूर्ण बेंगलोर संघ रोहितच्या पलटणला पाठिंबा देईल. हा फोटो पोस्ट करत कार्तिकने लिहिले आहे की, ‘संग्रहात हे आढळले (Found this in archives).’ कार्तिकचे हे ट्वीट मोठ्या प्रमाणात व्हायरल होत आहे.
Found this in archives 🤞😛#MIvDC pic.twitter.com/laTOcFAeDM
— DK (@DineshKarthik) May 21, 2022
दरम्यान राजस्थान रॉयल्सने चेन्नई सुपर किंग्जविरुद्धचा शेवटचा साखळी फेरी सामना जिंकत क्वालिफायर १ सामन्यासाठी पात्रता मिळवली आहे. गुजरात टायटन्स विरुद्ध राजस्थान संघात २४ मे रोजी कोलकाताच्या ईडन गार्डन स्टेडियमवर हा सामना रंगणार आहे. मुंबई विरुद्ध दिल्ली संघातील सामन्याच्या निकालानंतर प्लेऑफमधील पात्र चौथा संघ ठरेल, जो एलिमिनेटर सामन्यात लखनऊ सुपरजायंट्सशी भिडेल. एलिमिनेटर सामना २५ मे रोजी कोलकातामध्येच होईल.
पहिल्या क्वालिफायर सामन्यातील पराभूत झालेला संघ आणि एलिमिनेटर सामन्यातील विजेता संघ, २७ मे रोजी अहमदाबादमध्ये दुसरा क्वालिफायर खेळतील. त्यानंतर शेवटी २९ मेला अंतिम सामना रंगेल.
महा स्पोर्ट्सचा व्हॉट्सअप ग्रुप जॉइन करण्यासाठी लिंकवर क्लिक करा
महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा
महत्त्वाच्या बातम्या-
आयपीएलनंतर सीएसकेचा दीपक चाहर चढणार बोहल्यावर! लग्नाची तारिख आणि पत्रिका आली समोर
चेन्नईच्या गोलंदाजांना घाम फोडल्यानंतर अश्विनचा मोठा खुलासा, म्हणाला, ‘माझ्यात डेविड वॉर्नर घुसलेला’
‘रॉयल’ विजयानंतर अश्विनच्या आनंदाला उधाण! पत्नी आणि लेकीलाही आभाळ झाले ठेंगणे, पाहा व्हिडिओ
