पहिली टी२० भारत जिंकणार की इंग्लंड? वाचा काय सांगतोय इतिहास

भारतीय संघाला गुरुवारी (७ जुलै) इंग्लंडविरुद्धचा पहिला टी-२० सामना खेळायचा आहे. उभय संखातील पाचव्या कसोटी सामन्यात इंग्लंडला शेवटच्या डावात ३७८ धावांचे लक्ष्य मिळाले होते, पण त्यानी हे लक्ष्य गाठले आणि कसोटी मालिका बरोबरीने सोडवली. टी-२० मालिकेत मात्र भारतीय संघ इंग्लंडपेक्षा कमजोर दिसत आहे.

इंग्लंडविरुद्धच्या पाचव्या कसोटी सामन्यात खेळलेल्या खेळाडूंना पहिल्या टी-२० सामन्यात विश्रांती दिली गेली आहे. रोहित शर्मा या सामन्यात खेळेस, याची खात्री दिली गेली नाहीये. इंग्लंडच्याही वरिष्ट खेळाडूंना टी-२० मालिकेतदरम्यान विश्रांती दिली गेली आहे, परंतु त्यांचा कर्णधार जोस बटलर (Jos Buttler) भारतीय संघासाठी मोठी बाधा ठरू शकतो. इंग्लंडमध्ये भारताने आतापर्यंत ६ टी-२० सामने खएळले आहेत आणि त्यापैकी फक्त २ सामने संघाला जिंकता आले नाहीत. इंग्लंडने मात्र राहिलेले चारही सामने जिंकले.

भारतीय आणि इंग्लंड यांच्यातील पहिला टी-२० सामना २००९ साली खेळला गेला होता. इंग्लंडने हा सामना ३ धावांनी जिंकला होता. त्यानंतर २०११ मध्ये या दोन संघांत दुसरा टी-२० सामना खेळला गेला, जो इंग्लंडने ६ विकेट्सने जिंकला. त्यानंतर २०१४ मध्ये जेव्हा भारतीय संघा पुन्हा एकदा इंग्लडविरुद्ध टी-२० सामना खेळला, तेव्हा संघाला ३ धावांनी पराभव मिळाला होता.

भारतीय संघाने इंग्लंडचा टी-२० सामन्यात पहिल्यांदा २०१८ मध्ये पराभूत केले. मॅनचेस्टरमध्ये खेळल्या गेलेल्या या सामन्यात इंग्लंडने प्रथम फलंदाजी करताना १५९ धावा केल्या होत्या. कुलदीप यादवने या सामन्यात २४ धावा खर्च करून ५ विकेट्स घेतल्या होत्या. प्रत्युत्तारत भारतासाठी केएल राहुलने १०१ धावाची खेळी केली होती. भारताने हा सामना १८.२ षटकांमध्ये जिंकला. त्यानंतर भारतीय संघाने मालिकेतील तिसरा सामनाही ७ विकेट्सने जिंकला. या विजायनंतर भारताने मालिकेत २-१ असा  विजय मिळवला. रोहित शर्माने या शेवटच्या सामन्यात नाबाद १०० धावा केल्या होत्या.