कसोटी पदार्पणावेळी वडील होते इंग्लंडचे प्रशिक्षक, आता त्याच संघाविरुद्ध ठोकली सलग २ शतके

न्यूझीलंड संघ सध्या इंग्लंड दौऱ्यावर आहे. उभय संघातील पहिला सामना इंग्लंडने ५ विकेट्सने जिंकला. आता मालिकेतील दुसरा सामना ट्रेंटब्रिजमध्ये खेळला जात आहे. सामन्याच्या दुसऱ्या दिवशी न्यूझीलंडचा फलंदाज डॅरिल मिचेलने शतक ठोकले, जे त्याचे न्यूझीलंड संघासाठी सलग दुसरे शतक आहे. खास बाब म्हणजे मिचेलचे वडील यांचा इंग्लंडशी खास संबंध आहे आणि त्याच देशाच्या क्रिकेट संघाविरुद्ध मिचेलने सलग दुसरे शतक ठोकले आहे.

उभय संघातील या दुसऱ्या सामन्यात न्यूझीलंडने प्रथम फलंदाजी केली आणि पहिल्या डावात ५५३ धावा उभ्या केल्या. यामध्ये त्यांचा मध्यक्रमातील फलंदाज डॅरिल मिचेल (Darly Mitchell) याने १९० धावांचे योगदान दिले. मिचेलचे हे कसोटी कारकिर्दीतल एकंदरीत तिसरे शतक ठरले, तर सलग दुसरे शतक देखील ठरले. इंग्लंडविरुद्धच्या या कसोटी मालिकेचा पहिला सामना ऐतिहासिक लॉर्ड्स स्टेडियमवर खेळला गेला, ज्यामध्ये दुसऱ्या डावात मिचेलने १०८ धावा केल्या होत्या.

मिचेल इंग्लंडमध्ये सलग दोन डावांमध्ये शतकी खेळी करणारा न्यूझीलंडचा तिसरा फलंदाज ठरला आहे. यापूर्वी न्यूझीलंडच्या बेवन कॉन्गडनने १९७३ मध्ये इंग्लंडविरुद्ध सलग दोन डावांमध्ये १७६ आणि १७५ धावा ठोकल्या होत्या. तसेच ही कामगिरी करणारा दुसरा न्यूझीलंडचा खेळाडू ठरले होते विक पोलार्ड. त्यांनीही १९७३ मध्येच इंग्लंडविरुद्धच्या सलग दोन डावांमध्ये १०८ आणि १०२ धावा केल्या होत्या. आता या दिग्गजांच्या यादीत डॅरिल मिचेल नव्याने सहभागी झाला आहे.

Unstoppable @dazmitchell47 ????#WTC23 | #ENGvNZ | https://t.co/2h7KnwbegI pic.twitter.com/iOI60WhI8q

— ICC (@ICC) June 11, 2022