पुणेरी बाप्पाच्या ‘प्ले ऑफ्स’पर्यंतच्या प्रवासाचे चार शिलेदार, कामगिरीत राखले कमालीचे सातत्य

महाराष्ट्र क्रिकेट असोसिएशन आयोजित महाराष्ट्र प्रीमियर लीग म्हणजेच एमपीएल 2023 चे प्ले ऑफ सामने सोमवारी (26 जून) रोजी सुरू होतील. 15 साखळी सामन्यांच्या समाप्तीनंतर प्ले ऑफ्स खेळणारे चार संघ निश्चित झाले असून, या संघांमध्ये पुढील सामने पार पडतील. एकवेळ विजेतेपदाचे दावेदार मानल्या गेलेल्या पुणेरी बाप्पा व ईगल नाशिक टायटन्स या संघां दरम्यान एलिमिनेटर सामना होईल.

एलिमिनेटर सामन्यात पराभूत होणाऱ्या संघाचे स्पर्धेतील आव्हान संपुष्टात येणार आहे. तर विजय संघाला अंतिम फेरीत प्रवेश करण्यासाठी आणखी एक विजय मिळवावा लागेल. महाराष्ट्राचा कर्णधार ऋतुराज गायकवाड यांच्या नेतृत्वात खेळत असलेल्या पुणेरी बाप्पा संघाच्या प्ले ऑफ्स प्रवासात कोणाकोणाचे योगदान राहिले, हे आपण जाणून घेऊया.

पियुष साळवी- पुणेरी बाप्पा संघाचा प्रमुख वेगवान गोलंदाज म्हणून युवा पियुष साळवी याने सर्वांचे आहे. साखळी फेरीत खेळलेल्या पाच सामन्यांमध्ये 10 बळी मिळवण्यात तो यशस्वी ठरला. वेग, नियंत्रण आणि स्लोवर बॉल याच्या जोरावर तो सध्या स्पर्धेत सर्वाधिक बळी घेणारा गोलंदाज आहे. एलिमिनेटर सामन्यात नाशिकविरुद्ध संघाला विजय मिळवायचा झाल्यास त्याला या कामगिरीची पुनरावृत्ती करून दाखवावी लागेल.

ऋतुराज गायकवाड- पुणेरी बाप्पाचा कर्णधार ऋतुराज गायकवाड यांच्याकडून संघाला पुन्हा एकदा दमदार कामगिरीची अपेक्षा असणार आहे. ऋतुराजने साखळी फेरीत आपल्या संघासाठी सर्वाधिक धावा बनवल्या आहेत. पहिल्या व तिसऱ्या सामन्यात अर्धशतक झळकावण्यात त्याला यश आलेले. चार सामन्यात त्याच्या बॅटमधून 168 धावा निघाल्या आहेत.

पवन शाह- पुणेरी बाप्पाचा सलामीवीर पवन शहा या स्पर्धेच्या पहिल्या सामन्यापासून आक्रमक फटकेबाजी करताना दिसला. कलात्मक तसेच ताकदवर फटके मारताना त्याने सर्वांचे लक्ष वेधून घेतले. स्पर्धेत सलग दोन अर्धशतके त्याच्या नावे नोंद आहेत. पाच सामन्यांमध्ये 155 धावा करताना तो स्पर्धेत सर्वाधिक धावा बनवणाऱ्या खेळाडूंच्या यादीत चौथ्या क्रमांकावर दिसून येतो.

सचिन भोसले- पियुष साळवी याच्यासह वेगवान गोलंदाज म्हणून सचिन भोसले याची खास जोडी जमली. दोघांनी नवीन चेंडू हाताळताना विरोधी संघांना दबावाखाली ठेवले. डावखुऱ्या हाताचा वेगवान गोलंदाज असलेला सचिन 9 बळींह सर्वाधिक बळी घेणाऱ्या गोलंदाजांच्या यादीत दुसऱ्या स्थानी आहे.

(Four Pilllers Of Puneri Bappa Heading In Play Offs)

महत्वाच्या बातम्या-
गावसकरांचे विधान वाढवेल ‘माही’च्या चाहत्यांचं टेन्शन! म्हणाले, धोनी नाही ‘हा’ आहे खरा Captain Cool
‘रिंकू बाप आहे…’, चाहत्याच्या प्रश्नाचे उत्तर देताना KKRचा मालक शाहरुखचे स्टार खेळाडूबाबत मोठे विधान