अखिल भारतीय खुल्या फिडे रेटिंग बुद्धिबळ स्पर्धेत सुंदराराजन किदंबी, सत्यप्रग्यान स्वयंगसू, रत्नकरण के, अभिषेक केळकर, समीर कठमळे, विक्रमादित्य कुलकर्णी यांनी उदघाटनाचा दिवस गाजवला

पुणे बुद्धिबळ क्रीडा ट्रस्ट यांच्या तर्फे आयोजित 15व्या श्री महेश्वरानंद सरस्वती मेमोरियल अखिल भारतीय खुल्या फिडे रेटिंग बुद्धिबळ स्पर्धेत तामिळनाडूच्या ग्रॅन्डमास्टर सुंदराराजन किदंबी व मुथय्या एएल, ओरिसाच्या आयएम सत्यप्रग्यान स्वयंगसु, सेंट्रल रेल्वेच्या आयएम रत्नकरण के., महाराष्ट्राच्या आयएम समीर कठमळे या खेळाडूंनी आपापल्या प्रतिस्परध्यांचा पराभव करून आजचा उदघाटनाचा दिवस गाजवला.

अश्वमेध सभागृह, कर्वे रोड, पुणे येथे आजपासून सुरु झालेल्या या स्पर्धेत पहिल्या फेरीत तामिळनाडूच्या व अव्वल मानांकित ग्रॅन्डमास्टर सुंदराराजन किदंबीने आपल्या लौकिकाला साजेशी खेळी करत महाराष्ट्राच्या वरद वाल्देचा पराभव करून 1गुण प्राप्त केला. तामिळनाडूच्या मुथय्या एएलने महाराष्ट्राच्या इशान कुतवळचा 1गुण मिळवला. ओरिसाच्या व दुसऱ्या मानांकित आयएम सत्यप्रग्यान स्वयंगसुने महाराष्ट्राच्या इशान सोमय्याचा पराभव करून विजयी सलामी दिली.

सेंट्रल रेल्वेच्या व तिसऱ्या मानांकित आयएम रत्नकरण के. याने महाराष्ट्राच्या तुषार चव्हाणचा पराभव करून 1गुण मिळवला. सीआरएसबीच्या व चौथ्या मानांकित आयएम अभिषेक केळकरने महाराष्ट्राच्या ज्योतीरादित्य देशपांडेचा पराभव करून 1गुण प्राप्त केला. महाराष्ट्राच्या आयएम समीर काठमळेने आपला राज्य सहकारी अनिश आगवनेचा पराभव करून शानदार सुरुवात केली.
गोव्याच्या एफएम अमेय ऑडी व रित्वीज परब, महाराष्ट्राच्या आयएम विक्रमादित्य कुलकर्णी, एफएम सोहन फडके, अतुल डहाले, एएमसीएच्या सम्मेद शेटे आणि आंध्रप्रदेशच्या एफएम मट्टा विजय कुमार या खेळाडूंनी आपापल्या प्रतिस्परध्यांचा पराभव  करून 1गुण मिळवला.

स्पर्धेचे उदघाटन एएमसीएचे सचिव विजय देशपांडे, पुणे महानगरपालिकेचे नगरसेवक जयंत भावे यांच्या हस्ते करण्यात आले.  यावेळी बुद्धिबळ क्रीडा ट्रस्टचे ट्रस्टी प्रकाश कुंटे, पीडीसीसीचे सचिव राजेंद्र कोंडे, नितीन शेणवी आदी मान्यवर उपस्थित होते. याप्रसंगी ग्रँडमास्टर अभिमन्यू पुराणिक आणि आयएम सौम्या स्वामिनाथन यांनी केलेल्या कामगिरीबद्दल त्यांचा सत्कार करण्यात आला.

स्पर्धेचा सविस्तर निकालः पहिली फेरीः(व्हाईट व ब्लॅक या क्रमानुसार)ः
वरद वाल्दे(महा)(0गुण)पराभुत वि.ग्रॅन्डमास्टर सुंदराराजन किदंबी(तामिळनाडू)(1गुण);
मुथय्या एएल(तामिळनाडू)(1गुण)वि.वि.इशान कुतवळ(महा)(0गुण);
इशान सोमय्या(महा)(0गुण)पराभुत वि.आयएम सत्यप्रग्यान स्वयंगसु(ओडिशा)(1गुण);
हरिकृष्णा ए.आरए(तामिळनाडू)(1गुण)वि.वि.आदिती कायल(महा)(0गुण);
तुषार चव्हाण(महा)(0गुण)पराभुत वि.आयएम रत्नकरण के.(एसरेल्वे)(1गुण);
एफएम अमेय ऑडी(गोवा)(1गुण) वि.वि.अनुष्का कुतवळ(महा)(0गुण);
ज्योतीरादित्य देशपांडे(महा)(0गुण)पराभुत वि.आयएम अभिषेक केळकर(सीआरएसबी)(1गुण);
आयएम समीर काठमळे(महा)(1गुण)वि.वि.अनिश आगवने(महा)(0गुण);
लालागोविंद कोल्पेक(महा)(0गुण)पराभुत वि.आयएम विक्रमादित्य कुलकर्णी(महा)(1गुण);
सम्मेद शेटे(एएमसीए)(1गुण)वि.वि.एसीएम तुषार ठक्कर(महा)(0गुण);
एफएम सोहन फडके(महा)(1गुण)वि.वि.श्रावणी आंबवले(महा)(0गुण);
सिध्दार्थ कर्नाळकर(महा)(0गुण)पराभुत वि.रित्वीज परब(गोवा)(1गुण);
अतुल डहाले(महा)(1गुण)वि.वि.अभिषेक दंडवते(महा)(0गुण);
पुष्कराज साळुंके(महा)(0गुण)पराभुत वि.एफएम मट्टा विजय कुमार(आंध्रप्रदेश)(1गुण)