ऑस्ट्रेलियाचा माजी दिग्गज क्रिकेटपटू ऍडम गिलख्रिस्टला दमदार यष्टीरक्षक फलंदाज म्हणून ओळखले जाते. त्याने त्याच्या क्रिकेट कारकिर्दीत अनेकदा मोठ्या खेळी करत संघाला विजय मिळवून दिले आहेत. पण, या यष्टीरक्षक फलंदाजाने आयपीएलमध्ये विकेट घेण्याचाही कारनामा केला होता.
मे २०१३ला धरमशाला येथे मुंबई इंडियन्सविरुद्ध खेळताना त्याने हा कारनामा केला होता. यावेळी किंग्स इलेव्हन पंजाबकडून गोलंदाजी करताना त्याने हरभजन सिंगला बाद केले होते. विशेष म्हणजे, तो गिलख्रिस्टचा आयपीएल कारकिर्दीतील शेवटचा सामना होता. Harbhajan singh recalls when he was dismissed by adam gilchrist in ipl.
क्रिकेट सादरकर्ता गौरव कपूरशी यूट्यूबवरील शो ‘आयसोलेशन प्रिमीयर लीग’मध्ये बोलताना हरभजनने या गोष्टीचा उल्लेख केला. गौरवने त्याला प्रश्न विचारला होता की, तो कोणता गोलंदाज आहे, ज्याने टी२० क्रिकेटमध्ये फक्त १ षटक टाकले आणि त्यातही तुझी विकेट घेतली होती?
या प्रश्नाचे उत्तर देत हरभजन म्हणाला, “ऍडम गिलख्रिस्ट. त्यावेळी मी मैदानाचा आकार पाहिला आणि मला असे वाटले की, मी येथे प्रत्येक चेंडूवर सहज षटकार मारू शकतो. मात्र असे झाले नाही. मी फाइन लेगवर मारलेल्या पहिल्याच चेंडूवर झेलबाद झालो होतो. माझ्यासाठी त्याच्या इतकी लाजिरवाणी गोष्ट कोणतीच असू शकत नाही.”
हरभजन पुढे बोलताना म्हणाला, “मी अशा खेळाडूच्या चेंडूवर बाद झालो होतो, ज्याने कधी नेट्समध्ये सराव करतानाही गोलंदाजी केली नसेल. पण, मी त्याला खूश केले होते. मी गिलख्रिस्टला कित्येकदा कसोटीमध्ये बाद केले आहे. त्यामुळे मी म्हणालो होतो की, तू पण आनंदी रहा.”
“मी गिलख्रिस्टला कसोटीत ११ वेळा बाद केले आहे. म्हणून, त्याने मला एकदा बाद करत त्या ११ विकेट्सचा जल्लोष एकाच वेळेला साजरा करून घेतला,” असेही हरभजन म्हणाला.
गिलख्रिस्टने त्याच्या आयपीएल कारकिर्दीत ८० सामने खेळत २०६९ धावा केल्या आहेत. यात त्याच्या २ शतकांचा समावेश आहे.
ट्रेंडिंग घडामोडी-
बहिणीमुळे लहानपणी उजव्या हाताचे बोट कापावे लागले; तरी आज आहे जगातील सर्वोत्कृष्ट गोलंदाज
त्यावेळी धोनी हेडनला म्हणाला होता, मी तूला हवं ते देईल पण…
टीम इंडियाचा गब्बर जेव्हा देतो सुरेश रैनाला सपोर्ट…