आयपीएल २०२०मध्ये सहभागी झालेले भारतीय तथा परदेशी खेळाडू मागील २ महिन्यांपासून युएईमध्ये होते. परंतु प्लेऑफच्या शर्यतीतून बाहेर पडलेल्या संघांचे खेळाडू आपापल्या मायदेशात परतले आहेत. मात्र मुंबई इंडियन्स, दिल्ली कॅपिटल्स आणि सनरायझर्स हैदराबाद हे संघ अजूनही युएईत आहेत. अशातच मुंबई संघाचा अष्टपैलू हार्दिक पंड्या याला त्याच्या लहान मुलाची खूप आठवण येत आहे. त्यामुळे त्याने आपल्या मुलाच्या आठवणीत त्याचा एक जुना व्हिडिओ पोस्ट केला आहे.
पंड्या आणि त्याची पत्नी नताशा स्टॅन्कोव्हिक हे ३० जुलै २०२० रोजी एका मुलाचे आई-वडील बनले आहेत. त्यांच्या मुलाचे नाव अगस्त्य आहे. पंड्याप्रमाणे नताशाही बऱ्याचदा अगस्त्यचे फोटो किंवा व्हिडिओ सोशल मीडियावर शेअर करत असते.
व्हिडिओत बाप-लेकाचे गोंडस संभाषण
पंड्या जरी आयपीएलसाठी युएईत असला तरी त्याला सतत त्याच्या कुटुंबाची आठवण येत असते. त्याने इंस्टाग्रमावर पोस्ट केलेल्या व्हिडिओत तो अगस्त्यसोबत खेळताना दिसत आहे. त्याला हाय-फाय देणे, त्याच्या शिंकण्याचा अभिनय करणे, त्याच्या हातावर किस करणे, अशा गोष्टी करताना तो दिसत आहे. तसेच शेवटी तो अगस्त्यला बोलताना म्हणतो की, “आता तू झोपी जा. पप्पा बाहेर जाणार आहेत.”
त्या व्हिडिओला कॅप्शन देत पंड्याने लिहिले आहे की, “अगस्त्यसोबत खेळण्याची वेळ. मी या गोष्टींना खूप मिस करत आहे. हा दिवस मला आयुष्यभर स्मरणात राहिल.” पंड्याने पोस्ट केलेला व्हिडिओ चाहत्यांना मोठ्या प्रमाणात आवडला आहे. सोशल मीडियावर तो व्हिडिओ जोरदार व्हायरल होत आहे.
https://www.instagram.com/p/CHP_7WSFXJc/?utm_source=ig_web_button_share_sheet
हार्दिकची आयपीएल २०२०ची आकडेवारी
पंड्याने या हंगामात आतापर्यंत १३ सामने खेळले आहेत. दरम्यान ३९.७१च्या सरासरीने त्याने २७८ धावा केल्या आहेत. यात त्याच्या एका अर्धशतकाचा समावेश आहे.
महत्त्वाच्या बातम्या-
जेव्हा विराट कोहली स्वतः लाच म्हणाला होता ‘उजव्या हाताचा वेगवान गोलंदाज’, पाहा व्हिडिओ
‘ते’ चार खेळाडू म्हणजे SRHचे ‘चार मिनार’, माजी दिग्गजाने सांगितली नावे
खुशखबर! सनरायझर्स हैदराबादचा ‘यॉर्करकिंग’ बनला ‘बापमाणूस’
ट्रेंडिंग लेख-
बेंगलोरचे तेराव्यांदा स्वप्नभंग होण्यास कारणीभूत ठरले हैदराबादचे ‘हे’ ५ शिलेदार
मुंबई इंडियन्सचे ४ दमदार खेळाडू; ज्यांना कधीही करू नये रिलीझ
आयपीएलमधील ‘हे’ ४ संघ होणार मालामाल, पाहा विजेत्या- उपविजेत्या टीमच्या बक्षीसांच्या रकमा