ऑस्ट्रेलियात खेळल्या गेलेल्या पुरूष क्रिकेट संघाच्या टी20 विश्वचषक 2022च्या स्पर्धेत भारताचा प्रवास उपांत्य फेरीतच संपला. त्या सामन्यात इंग्लंडने भारताचा 10 विकेट्सने पराभव केला. या स्पर्धेत भारताने उपांत्य फेरीपर्यंत उत्तम कामगिरी केली होती. त्याची सुरूवात पाकिस्तानविरुद्ध विजय मिळवत केली. या सामन्यात मिळवलेला थरारक विजय कोणताही भारतीय चाहता कधीच विसरणार नाही. यामध्ये विराट कोहली याने नाबाद 82 धावांची खेळी केली होती. ज्याला त्याने त्याची सर्वोत्तम खेळी म्हटले होते. यावेळी त्याने जे दोन महत्वाचे षटकार मारले होते, त्याविषयी पाकिस्तानच्या गोलंदाजीने धक्कादायक विधान केले आहे.
विराट कोहली (Virat Kohli) याने त्याच्या 82 धावांच्या खेळीत एकूण 4 षटकार मारले. त्या सामन्यात भारताच्या डावातील 19व्या षटकाच्या शेवटच्या दोन चेंडूवर त्याने दोन षटकार मारले होते. जे कोणीही विसरणार नाही. कारण त्या दोन षटकारामुळे संपूर्ण सामन्याचे चित्रच पालटले होते आणि भारताने शेवटच्या चेंडूवर सामना 4 विकेट्सने जिंकला.
भारताला या सामन्यात शेवटच्या 8 चेंडूत 28 धावांची आवश्यकता होता आणि 19वे षटक टाकण्यास हॅरिस रौफ (Haris Rauf) आला. त्याच्या षटकाच्याच शेवटच्या दोन चेंडूवर विराटने दोन षटकार मारले. यातील एक षटकार त्याने लॉँग ऑनच्या वरून बॅकफूटवर मारला होता. याच षटकाराविषयी रौफ व्यक्त झाला आहे.
एका यूटयुब चॅनलला दिलेल्या मुलाखतीत रौफ म्हणाला, “विश्वचषकात विराट जसा खेळला , तो त्याचा दर्जा आहे. आम्हा सर्वांना माहित आहे तो किती उत्तम शॉट्स खेळतो आणि त्याने आमच्याविरुद्ध विश्वचषकात षटकार मारले. मला नाही वाटत त्याच्याशिवाय कोणी असे षटकार मारला असता. दिनेश कार्तिक किंवा हार्दिक पंड्या यांच्यापैकी कोणीही ते षटकार मारले असते तर मला वाईट वाटले असते, मात्र ते षटकार विराटच्या बॅटमधून निघाले आणि तो एक दर्जेदार खेळाडू आहे.”
https://www.instagram.com/reel/CldxdOMPCEc/?utm_source=ig_web_copy_link
भारताने शेवटच्या 12 चेंडूत 31 धावा केल्या. रौफने त्याच्या 19व्या षटकातील पहिल्या 4 चेंडूत केवळ तीनच धावा दिल्या होत्या. Haris Rauf Talks About Virat Kohli Those Two Sixes
महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्वाच्या बातम्या-
VIDEO: पोलंडविरुद्ध पेनल्टी ‘मिस!’ विश्वचषकात मेस्सीचा नकोसा, तर गोलकिपरच्या नावावर भन्नाट रेकॉर्ड
वाढदिवस विशेष – क्रिकेटर मोहम्मद कैफ