हर्षित राणाचं पुन्हा फ्लाइंग किस सेलिब्रेशन, कोहलीनंतर ऋतुराज गायकवाडला डिवचलं

दुलिप ट्रॉफी 2024 आजपासून सुरू झाली आहे. पहिल्या फेरीचे दोन सामने अनंतपूर व बेंगलोर येथे खेळवले जात आहेत. पहिल्या सामन्यात भारत अ संघाचा सामना भारत ब सोबत होत आहे. दुसऱ्या सामन्यात भारत क चा सामना भारत ड संघाशी होत आहे. अनंतपूर येथील ग्रामीण विकास ट्रस्ट स्टेडियमवर हा सामना खेळवला जात आहे. नाणेफेक हरल्यानंतर प्रथम फलंदाजी करण्याचा निर्णय घेतल्यानंतर भारत ड संघ पहिल्या डावात 164 धावांत सर्वबाद झाला. भारत क ची सुरुवातही काही खास नव्हती. केवळ 14 धावांवर संघाच्या 2 विकेट पडल्या होत्या. त्याचवेळी भारत ड चा गोलंदाज हर्षित राणा त्याच्या सेलिब्रेशनमुळे पुन्हा एकदा चर्चेत आला.

आपल्या पहिल्या डावात फलंदाजीसाठी उतरल्यानंतर भारत क संघाचे दोन्ही सलामीवीर लवकर बाद झाले. साई सुदर्शनने 7 धावा केल्या आणि कर्णधार ऋतुराज गायकवाडने 19 चेंडूत 5 धावा केल्या. यादरम्यान त्याने 1 चौकारही मारला. ऋतुराज हर्षित राणाच्या चेंडूवर श्रीकर भरतकरवी झेलबाद झाला. राणाने आधी साई आणि नंतर ऋतुराजला आपला बळी बनवले. ऋतुराजची विकेट घेतल्यानंतर हर्षित राणाने आपल्या सिग्नेचर स्टाईलमध्ये सेलिब्रेशन केले. त्याने मैदानावरच फ्लाइंग किस देऊन विकेटचा आनंद साजरा केला. त्याचे सेलिब्रेशन सोशल मीडियावर मोठ्या प्रमाणात व्हायरल होत आहे.

Harshit Rana gives a flying kiss celebration in the Duleep Trophy. 😄 pic.twitter.com/eWQmOUuUDP

— Mufaddal Vohra (@mufaddal_vohra) September 5, 2024

आयपीएल 2024 दरम्यान, हर्षित राणा त्याच्या फ्लाइंग किस सेलिब्रेशनमुळे चर्चेत आला होता. सनरायझर्स हैदराबादविरुद्धच्या सामन्यादरम्यान केकेआरसाठी खेळताना हर्षित राणाने मयंक अग्रवालला बाद केलेले. यानंतर त्याने फ्लाइंग किस दिला. त्यामुळे त्याला मॅच फीच्या 60 टक्के दंड ठोठावण्यात आला होता. दिल्ली कॅपिटल्सविरुद्धच्या सामन्यातही त्याने याच सेलिब्रेशनची पुनरावृत्ती केली. अशा स्थितीत त्याच्यावर एका सामन्याची बंदी घालण्यात आली होती. याशिवाय 100 टक्के मॅच फी देखील कापण्यात आलेली. केकेआरने आयपीएल 2024 चे विजेतेपद जिंकल्यानंतर राणाने मालक शाहरुख खानसोबत फ्लाइंग किस सेलिब्रेशन केलेले.

हेही वाचा – 

इंग्लंडच्या पाकिस्तान दौऱ्यावर टांगती तलवार, दुसऱ्या देशात खेळली जाऊ शकते मालिका; काय आहे कारण?
भारतीय वंशाच्या स्टार क्रिकेटपटूची प्रकृती बिघडली, हॉस्पिटलमध्ये लढतोय आयुष्याची लढाई
असं करणं अशक्यच! शुभमन गिलनं मागे धावत जाऊन घेतला अविश्वसनीय झेल, VIDEO एकदा पाहाच