आज (27 मार्च) रोजी आयपीएलमध्ये सनरायझर्स हैदराबाद आणि लखनऊ सुपर जायंट्स हे दोन संघ समोरासमोर खेळताना दिसणार आहेत. पण तुम्हाला माहिती आहे का दोन्ही संघ शेवटच्या वेळी कधी एकमेकांसमोर आले होते? आणि त्या वेळी कोणी बाजी मारली होती? खरं तर, गेल्या हंगामात सनरायझर्स हैदराबाद (SRH) आणि लखनऊ सुपर जायंट्स (LSG) शेवटचे एकमेकांसमोर आले होते. त्या सामन्यात सनरायझर्स हैदराबादचे सलामीवीर ट्रॅव्हिस हेड आणि अभिषेक शर्मा तुफान खेळताना दिसले. त्याच वेळी, सनरायझर्स हैदराबादने लखनऊ सुपर जायंट्सचा सहज पराभव केला.
प्रथम फलंदाजी करताना लखनऊ सुपर जायंट्सने 20 षटकांत 4 गडी बाद 165 धावा केल्या. लखनौ सुपर जायंट्सकडून आयुष बदोनीने 30 चेंडूत 55 धावा केल्या. निकोलस पूरनने 26 चेंडूत नाबाद 48 धावा केल्या. याशिवाय लखनऊ सुपर जायंट्सचा कर्णधार केएल राहुलने 33 चेंडूत 29 धावांचे योगदान दिले. त्याच वेळी, सनरायझर्स हैदराबादकडून भुवनेश्वर कुमार सर्वात यशस्वी गोलंदाज ठरला. भुवनेश्वर कुमारने 4 षटकांत 12 धावा देत 2 बळी घेतले. यासोबतच सनरायझर्स हैदराबादचा कर्णधार पॅट कमिन्सने 1 फलंदाज बाद केला.
लखनऊ सुपर जायंट्स (LSG) च्या 165 धावांच्या प्रत्युत्तरात सनरायझर्स हैदराबाद (SRH) ने चांगली सुरुवात केली. सनरायझर्स हैदराबादचे सलामीवीर ट्रॅव्हिस हेड आणि अभिषेक शर्मा यांनी तुफान खेळ केला. ट्रॅव्हिस हेड आणि अभिषेक शर्मा यांनी फक्त 9.4 षटकांत 167 धावा केल्या. अशाप्रकारे सनरायझर्स हैदराबादने 10 विकेट्सने विजय मिळवला. ट्रॅव्हिस हेडने 30 चेंडूत नाबाद 89 धावा केल्या. त्याने आपल्या डावात 9 चौकार आणि 8 षटकार मारले. तर अभिषेक शर्माने 28 चेंडूत नाबाद 75 धावा केल्या. त्याने आपल्या डावात 8 चौकार आणि 6 षटकार मारले.
