‘माझं काय, एक अष्टपैलू अभिनंदन!’ मर्व ह्यूजसाठी आयसीसीने केलेल्या पोस्टवरील भारतीय चाहत्याची प्रतिक्रिया व्हायरल

ऑस्ट्रेलिया क्रिकेट संघाचे माजी वेगवान गोलंदाज मार्व ह्यूज हे आज (२३ नोव्हेंबर) त्यांचा ६० वा वाढदिवस साजरा करत आहेत. १९८५ ते १९९४ या कालावधीत ऑस्ट्रेलिया क्रिकेटचे प्रतिनिधित्त्व केलेले ह्यूज यांच्या वाढदिवसानिमित्त आयसीसीने त्यांना अनोख्या अंदाजात शुभेच्छा दिल्या आहेत. झुपकेदार मिशा ठेवण्याची आवड असलेले ह्यूज यांना आयसीसीने त्यांच्या मिशांवरुनच शुभेच्छुक संदेश दिला आहे. आयसीसीच्या या शुभेच्छापर पोस्टची भरपूर चर्चा होत आहे.

आयसीसीने त्यांच्या अधिकृत ट्वीटर अकाउंटवरुन ह्यूजेस यांना वाढदिवसाच्या शुभेच्छा देताना लिहिले की, ‘क्रिकेट इतिहासातील सर्वात लांब मिश्या? वाढदिवसाच्या शुभेच्छा मर्व ह्यूज!’

The greatest moustache in cricket history? 🥸

Happy birthday, Merv Hughes! 🍰 pic.twitter.com/e0S7CKGhQk

— ICC (@ICC) November 22, 2021

यानंतर आयसीसीच्या या पोस्टवर बऱ्याचशा प्रतिक्रिया उमटत आहेत. काही चाहत्यांनी ट्वीट करत भारतीय वायुसेनेचे पायलट अभिनंदन यांचा फोटो शेअर करत आपल्या प्रतिक्रिया नोंदवल्या आहेत. अभिनंदन यांना विमानचा अपघात झाल्यांतर पाकिस्तानने ताब्यात घेतले होते. त्यानंतर काही दिवसांनी त्यांना सोडून टाकण्यात आले होते.

अभिनंदन यांच्या मिशाही ह्यूज यांच्याप्रमाणे मोठ्या आणि झुपकेदार आहेत. त्यामुळे एका चाहत्याने त्यांचा फोटो शेअर मजेशीर प्रतिक्रिया दिली आणि सर्वांचे लक्ष वेधले आहे. त्याने लिहिले आहे की, ‘माझ्याविषयी काय, एक अष्टपैलू अभिनंदन!!’

Whatabout Me, An all-rounder Abhinandan!! pic.twitter.com/okcTZiXoZd

— Tom Fordy (@PromoterBoxing) November 23, 2021