विश्वचषक 2023 स्पर्धेचे क्वालिफायर सामने सध्या सुरू आहेत. या सामन्यांमध्ये यूएसए संघही आपला दमदार खेळ दाखवत आहे. अशातच यूएसए संघाचा युवा खेळाडू भारतीय संघाचा दिग्गज फलंदाज विराट कोहली याच्याविरुद्ध खेळण्यासाठी इच्छुक आहे. सोशल मीडियावर व्हायरल होत असलेल्या एका व्हिडिओत यूएसए संघाचा युवा फलंदाज शायन जहांगीर याने विराटविरुद्ध खेळण्याची इच्छा व्यक्त केली.
‘विराटविरुद्ध खेळायचे आहे’
आयसीसीने नुकतेच त्यांच्या अधिकृत इंस्टाग्राम अकाऊंटवरून एक व्हिडिओ शेअर केला आहे. या व्हिडिओत यूएसए (USA) संघाचा युवा स्टार फलंदाज शायन जहांगीर (Shayan Jahangir) याने मोठी इच्छा व्यक्त केली. तो म्हणाला की, भारतीय संघाचा दिग्गज फलंदाज विराट कोहली (Virat Kohli) याच्याविरुद्ध सामना खेळायचा आहे. शायनच्या या व्हिडिओत स्पष्ट दिसते की, तो भारतीय संघाचा दिग्गज फलंदाज विराट कोहली याचा खूप मोठा चाहता आहे.
शायन म्हणाला, “माझे सर्वात मोठे लक्ष्य विराट कोहलीविरुद्ध खेळणे आहे. तसेच, हे सांगणे की, आणखी एक फलंदाज आहे, जो त्याच्या संधीची वाट पाहत आहे आणि त्याला स्वत:ला मोठ्या लीगमध्ये सिद्ध करायचे आहे.”
https://www.instagram.com/reel/Ctv4bc4sH1q/?utm_source=ig_embed&ig_rid=1bb9102d-8fed-4a5f-96e3-abcaaebfd8d5
शायनसाठी विश्वचषक क्वालिफायर शानदार
खरं तर, शायन जहांगीर याच्यासाठी विश्वचषक क्वालिफायर सामने आतापर्यंत शानदार ठरले आहेत. त्याने मंगळवारी (दि. 20 जून) नेपाळविरुद्ध फलंदाजी करताना शानदार 100 धावांची नाबाद शतकी खेळी साकारली होती. याव्यतिरिक्त तो श्रीलंकेविरुद्धच्या सामन्यातही नाबाद 63 धावांची अर्धशतक खेळी करण्यात यशस्वी झाला होता. शायन हा अमेरिका संघाचा प्रतिभावान फलंदाजांपैकी एक आहे. त्याची प्रतिभा पाहून असे दिसते की, तो लवकरच क्रिकेटविश्वात आपलं नाणं खणकवेल. आयसीसीच्या या व्हिडिओनंतर चाहत्यांना वाटत आहे की, या युवा खेळाडूची इच्छा लवकरात लवकर पूर्ण व्हावी. तसेच, त्याला विराटविरुद्ध खेळण्याची लवकर संधी मिळावी. (icc cricket world cup qualifier 2023 usa star batter shayan jahangir wants to play against virat kohli read here)
महत्वाच्या बातम्या-
भारताच्या प्रमुख फलंदाजाचा भर पावसात फलंदाजी सराव, ‘या’ स्पर्धेसाठी होतोय सज्ज; पाहा Video
काय मॅच झाली राव! ‘या’ संघाने शेवटच्या चेंडूवर 1 विकेटने मिळवला शानदार विजय, वाचाच
