ऑस्ट्रेलियामध्ये नुकतेच पुरूष संघाच्या टी20 विश्वचषक (T20 World Cup)स्पर्धचा समारोप झाला. या स्पर्धेनंतर आंतरराष्ट्रीय क्रिकेट परिषदेने (आयसीसी) टी20 क्रमवारी जाहीर केली. त्यामध्ये अनेकांच्या गुणांमध्ये फरक दिसला, ज्याचा परिणाम क्रमवारीवर झाला. फलंदाजांच्या क्रमवारीत सूर्यकुमार यादव पहिल्या स्थानावर कायम आहे, कारण त्याच्या आपपासचे फलंदाजी अधिक धावा करण्यात अपयशी ठरले. धावांचा डोंगर रचणाऱ्या विराटला मात्र धक्का बसला आहे.
सूर्यकुमार यादव (Suryakumar Yadav) इंग्लंड विरुद्ध लवकर बाद झाल्याने त्याचे गुण 869 वरून 859 वर आले. त्याने आठव्या टी20 विश्वचषकाच्या सुपर 12च्या 5 डावांमध्ये तीन अर्धशतकी खेळी केल्या. यामध्ये त्याने 189.68च्या स्ट्राईक रेटने 239 धावा केल्या.
टी20 विश्वचषकात सर्वाधिक धावा करूनसुद्धा विराट कोहली (Virat Kohli) पहिल्या दहा क्रमांकाच्या बाहेरच राहिला. त्याने आता 11वे स्थान गाठले आहे. विराटने 6 सामन्यात 4 अर्धशतकांच्या मदतीने आणि 98.67च्या सरासरीने 296 धावा केल्या.
इंग्लंडचा सलामीवीर ऍलेक्स हेल्स (Alex Hales) याने उपांत्य फेरीत भारताविरुद्ध 47 चेंडूत नाबाद 86 धावा केल्या आणि त्याला 22 स्थानांचा फायदा झाला. तो आता 12व्या स्थानावर पोहोचला आहे. दुसरीकडे पाकिस्तानचा कर्णधार बाबर आझम एक पायरी चढत तिसऱ्या स्थानावर आला आहे. तसेच मोहम्मद रिझवान याने दुसरे स्थान कायम राखले आहे.
गोलंदाजीत इंग्लंडचा फिरकीपटू आदिल रशिद याला पाच स्थानांचा फायदा झाला असून तो तिसऱ्या स्थानावर आला आहे. अंतिम सामन्याचा सामनावीर आणि मालिकावीर सॅम करन यानेही दोन क्रमांकांनी उडी घेतली. तो आता 5व्या स्थानावर पोहोचला आहे. त्याने पाकिस्तानविरुद्ध 4 षटकात 12 धावा देत 3 विकेट्स घेतल्या होत्या.
पहिल्या स्थानावर श्रीलंकेचा वानिंदू हसरंगा आणि दुसऱ्या स्थानावर अफगाणिस्तानचा राशिद खान आहे. तसेच अष्टपैलूंच्या क्रमवारीत बांगलादेशचा शाकिब अल हसन पहिल्या स्थानावर, अफगाणिस्तानचा मोहम्मद नबी दुसऱ्या आणि भारताचा हार्दिक पंड्या तिसऱ्या स्थानावर आहे. ICC T20 Ranking suryakumar yadav retains top ten in batting & virat kohli in this spot
महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्वाच्या बातम्या-
सिक्स पॅक्स असावेत तर भारतीयांसारखे! समुद्रकिनारी दिसली हार्दिक पंड्या आणि कंपनी
रोहित-राहुलच्या अनुपस्थितीत कोण करणार ओपनिंग? पर्यायांनी वाढली कॅप्टन हार्दिकची डोकेदुखी