भारताविरूद्ध कसोटीत ‘हा’ घातक गोलंदाज घालणार धुमाकूळ! दुखापतीनंतर संघात पुनरागमन

India vs England Test Series: भारत आणि इंग्लंड यांच्यातील 5 सामन्यांची कसोटी मालिका 20 जूनपासून सुरू होणार आहे. या मालिकेसाठी भारतीय संघाने 18 सदस्यीय संघाची घोषणा केली होती. त्याच वेळी, इंग्लंडने फक्त पहिल्या कसोटी सामन्यासाठी संघ जाहीर केला आहे, ज्यामध्ये 150च्या वेगाने गोलंदाजी करणारा जोफ्रा आर्चरचे नाव नाही. अंगठ्याच्या दुखापतीमुळे आर्चर संघाबाहेर आहे. पण, तो दुसऱ्या कसोटी सामन्यातून संघात परतू शकतो. (Jofra Archer may return to the Indian team in the second Test)

आर्चर दुखापतीमुळे गेल्या 4 वर्षांपासून संघाबाहेर आहे. आर्चरने फेब्रुवारी 2021 मध्ये भारताविरुद्ध शेवटचा कसोटी सामना खेळला होता. आता तो 4 वर्षांनंतर भारताविरुद्ध कसोटी संघात परतताना दिसू शकतो. इंग्लंड संघ निवडकर्ता ल्यूक राईट यांनी सांगितले की आर्चर दुसऱ्या कसोटी सामन्यात पुनरागमन करू शकतो. राईट यांनी सांगितले की जोफ्रा खूप चांगली कामगिरी करत आहे. राईट म्हणाले, “त्याने काही प्रथम श्रेणी सामने खेळावेत अशी योजना आहे. ससेक्स क्रिकेट संघाचा भाग व्हावे आणि नंतर पहिल्या कसोटीदरम्यान 23 जूनपासून डरहमविरुद्ध ससेक्ससाठी खेळावे. जर सर्व काही व्यवस्थित झाले तर तो दुसऱ्या कसोटीसाठी उपलब्ध असेल.”

आर्चरने 2019 मध्ये कसोटी पदार्पण केले. त्यानंतर तो इंग्लंडसाठी फक्त 13 कसोटी सामने खेळू शकला. आर्चर बहुतेक वेळा दुखापतींमुळे त्रस्त होता आणि संघातून बाहेर पडत राहिला. या काळात आर्चरने वनडे आणि टी20 मध्ये पुनरागमन केले. परंतु तो सलग 4 वर्षे कसोटी संघाबाहेर आहे. आर्चरने 13 कसोटी सामन्यांमध्ये 31.05च्या सरासरीने 42 विकेट्स घेतल्या आहेत. या दरम्यान त्याचा इकॉनॉमी रेट 3 आहे. आर्चरने आतापर्यंत कसोटी क्रिकेटमध्ये 3 वेळा 5 विकेट्स घेतल्या आहेत.