भारत आणि इंग्लंड यांच्यातील कसोटी मालिकेला आता “अँडरसन-तेंडुलकर ट्रॉफी” हे नाव देण्यात आले आहे. ही ट्रॉफी दोन्ही देशांतील महान खेळाडू – इंग्लंडचा वेगवान गोलंदाज जेम्स अँडरसन आणि भारताचा क्रिकेट देव मानला जाणारा सचिन तेंडुलकर – यांच्या नावाने ओळखली जाणार आहे. मात्र या मालिकेतील विजेत्या संघाच्या कर्णधाराला जी पारंपरिक ट्रॉफी दिली जाते, ती “पतौडी ट्रॉफी” म्हणूनच दिली जाणार आहे.
या मागे सचिन तेंडुलकरचा मोठेपणा दिसून येतो. त्याने स्वतः बीसीसीआयला सल्ला दिला की मालिकेचं नाव “अँडरसन-तेंडुलकर ट्रॉफी” असलं तरी, विजेत्या कर्णधाराला “पतौडी ट्रॉफी”च द्यावी. कारण पतौडी कुटुंबाचं भारतीय आणि आंतरराष्ट्रीय क्रिकेटमध्ये योगदान फार मोठं आहे.
मोहम्मद अली पतौडी आणि त्यांचे सुपुत्र मन्सूर अली खान पतौडी हे दोघंही भारताचे कसोटी कर्णधार होते. मन्सूर अली खान पतौडी तर भारताचे सर्वात तरुण कसोटी कर्णधार ठरले होते. त्यांच्या नेतृत्वगुणांनी आणि खेळातील योगदानाने भारतीय क्रिकेटचा चेहरामोहरा बदलला.
सचिन तेंडुलकरने हा सल्ला देत बीसीसीआयकडून पतौडी कुटुंबाचा सन्मान अबाधित ठेवण्याची भावना व्यक्त केली. यामुळे केवळ एक दिग्गज खेळाडू म्हणून नव्हे, तर एक सजग आणि संवेदनशील व्यक्तिमत्त्व म्हणूनही सचिनचा आदर वाढतो.
भारताचा इंग्लंड दौरा (5 कसोटी सामने)
भारत विरुद्ध इंग्लंड कसोटी मालिकेचे पूर्ण वेळापत्रक
भारत विरुद्ध इंग्लंड, पहिली कसोटी: 20-24 जून 2025
भारत विरुद्ध इंग्लंड, दुसरी कसोटी: 2-6 जुलै 2025
भारत विरुद्ध इंग्लंड, तिसरी कसोटी: 10-14 जुलै 2025
भारत विरुद्ध इंग्लंड, चौथी कसोटी: 23-27 जुलै 2025
भारत विरुद्ध इंग्लंड, पाचवी कसोटी: 31-04 ऑगस्ट 2025
