भारतीय संघाचा यष्टीरक्षक फलंदाज संजू सॅमसन वनडे क्रिकेटमध्ये मागच्या मोठ्या काळापासून अपेक्षित प्रदर्शन करू शकला नाही. पण गुरुवारी (21 डिसेंबर) सॅमसने सर्वांची बोलती बंद केली. दक्षिण आफ्रिकेविरुद्धच्या तिसऱ्या आणि शेवटच्या वनडे सामन्यात सॅमसनने शतकी खेळी केली. वनडे कारकिर्दीतील हे त्याचे पहिलेच शतक ठरले.
भारतीय संघाने या सामन्यात नाणेफेक गमावल्यामुळे त्यांना प्रथम फलंदाजी करावी लागली. सलामीवीर रजत पाटीदार 22 धावा करून बाद झाल्यानंतर संजू सॅमसन () खेळपट्टीवर आला. मागच्या सामन्यात 12 धावा करून बाद झालेला सॅमसन या सामन्यात मात्र शतकी खेळी करू शकला. त्याने 110 चेंडूत शतक वनडे कार्किर्दीतील हे आपले पहिले शतक साकारले. यात 6 चौकार आणि 2 षटकार होते. गुरुवारी (21 डिसेंबर) पर्लमधील खेळपट्टी गोलंदाजीसाठी अनुकूल दिसली. भारतीय फलंदाज एकापाठोपाठ विकेट्स गमावत होते. पण सॅमसनने मात्र संयमी खेळ दाखवत शतक पूर्ण केले.
𝐌𝐀𝐈𝐃𝐄𝐍 𝐇𝐔𝐍𝐃𝐑𝐄𝐃
The wait is over! @IamSanjuSamson scores his first century for India and it has come off 110 balls in the decider at Paarl. 👏🏾👏🏾 https://t.co/nSIIL6gzER #TeamIndia #SAvIND pic.twitter.com/DmOcsNiBwC
— BCCI (@BCCI) December 21, 2023
भारतासाठी या सामन्यात सॅमसनप्रमाणेत तिलक वर्मा यानेही महत्वपूर्ण धावांचे योगदान दिले. तिलक 77 चेंडूत 52 धावांची खेळी केल्यानंतर केशव महाराजच्या चेंडूवर झेलबाद झाला. कर्णधार केएल राहुल 21 धावा करून बाद झाला, तर सलामीवीर साई दुसर्शन लागोपाठ दोन अर्धशतकांनंतर या सामन्यात 10 धावा करून बाद झाला.
सॅमसनने आपल्या वनडे कारकिर्दीची सुरुवात 2021मध्ये केली असून मागच्या 15 सामन्यांमध्ये त्याने तीन अर्धशतकांच्या मदतीने 402 धावा केल्या होत्या. कारकिर्दीतील 16व्या वनडेत मात्र त्याने आपली गुणवत्ता दाखवून दिली. त्याच्यासाठी हे केवळ वनडे क्रिकेटमधीलच नाही, तर आंतरराष्ट्रीय क्रिकेटमधील पहिलेच शतक ठरले. त्याने 114 चेंडूत 108 धावा केल्यानंतर लिझाद विलियम्सच्या चेंडूवर रिझा हेड्रिक्सच्या हातात झेलबाद झाला. (Maiden International hundred of Sanju Samson )
तिसऱ्या वनडेसाठी उभय संघांची प्लेइंग इलेव्हन
दक्षिण आफ्रिका संघ-
टोनी डी झोर्झी, रीझा हेंड्रिक्स, रासी व्हॅन डर ड्युसेन, एडेन मार्करम (कर्णधार), हेन्रीच क्लासेन (यष्टीरक्षक), डेविड मिलर, विआन मुल्डर, केशव महाराज, नांद्रे बर्गर, लिझाद विलियम्स, ब्यूरन हेंड्रिक्स
भारतीय संघ-
केएल राहुल (कर्णधार/यष्टीरक्षक), रजत पाटीदार, साई सुदर्शन, तिलक वर्मा, संजू सॅमसन, रिंकू सिंग, अक्षर पटेल, अर्शदीप सिंग, आवेश खान, वॉशिंग्टन सुंदर, मुकेश कुमार.
महत्वाच्या बातम्या –
IND vs AUS । मुंबई कसोटीत भारत ड्रायविंग सीटवर, पूजानंतर स्मृतीने गाजवला पहिला दिवस
WFI President: बृजभूषण सिंग यांचा दबदबा कायम! पाहा कोण बनलंय नवा अध्यक्ष
