क्रिकेट पंडित आणि टिकाकार नेहमी भारताचा सलामीवीर आणि मर्यादित षटकांच्या संघाचा कर्णधार रोहित शर्मा (Rohit Sharma) याला त्याच्या फिटनेसवरून ऐकवत असतात. परंतु ३४ वर्षीय रोहितने एक शानदार, जबरदस्त असा झेल पकडत (Rohit Sharma Catch) त्याच्या टिकाकारांची बोलती बंद केली आहे. भारत विरुद्ध वेस्ट इंडिज यांच्याच ईडन गार्डन्सवर झालेल्या पहिल्या टी२० सामन्यात त्याने हा पराक्रम केला आहे.
त्याचे झाले असे की, पदार्पणवीर रवी बिश्नोई, हर्षल पटेल आणि इतर भारतीय गोलंदाजांच्या मदतीने भारतीय संघाने १८ व्या षटकापर्यंत वेस्ट इंडिजला ६ बाद १३५ धावा अशा स्थितीत पोहोचवले होते. त्यानंतर शेवटच्या २ षटकांत कर्णधार कायरन पोलार्ड आणि ओडेन स्मिथ फलंदाजीसाठी आले होते.
अशात डावातील शेवटचे षटक सुरू टाकण्यासाठी हर्षल पटेल आला होता. त्याच्या षटकातील शेवटच्या चेंडूवर ओडेन स्मिथने मिड ऑफच्या दिशेने चेंडू टोलवला. तिथेच क्षेत्ररक्षणासाठी उभा असलेल्या रोहितने चेंडूवर बारीक लक्ष ठेवले आणि चेंडू नजीक येताच त्याचा पाठलाग करत चपळाईने झेल घेतला. झेल टिपल्यानंतर रोहितचा तोल गेल्यामुळे तो मैदानावर पडला आणि एका पायावर घसरत गेला. परंतु त्याने चेंडू हातून सोडला नाही आणि त्वरित स्वतला सावरत मैदानावरून उठला.
What a Catch🔥
Captain Rohit Sharma!! #INDvWI #INDvsWI https://t.co/dlhLkAQSsZ— Antimonitor (@uchihaCricket) February 16, 2022
रोहितजवळच क्षेत्ररक्षणासाठी उभा असलेला सूर्यकुमार यादव कर्णधाराचा हा लई भारी झेल पाहून मात्र चकित झाला होता. रोहितच्या या अप्रतिम झेलचा व्हिडिओ सोशल मीडियावर व्हायरल होतो आहे.
https://twitter.com/fortyfive09ro/status/1493974968258170880?s=20&t=-CXPL0TwrKPFwQsI0z-tcA
What a Catch by Captain 🤩 !!#RohitSharma | @ImRo45 | #INDvWI pic.twitter.com/Ab8X1TeyQI
— Vishal. (@SPORTYVISHAL) February 16, 2022
अनेकांनी रोहितचा हा लक्षणीय झेल पाहून म्हटले आहे की, ३४ वर्षांच्या वयात रोहितने असा झेल पकडला आहे, जसा २४ वर्षांचे क्रिकेटपटू पकडतात. तसेच रोहितच्या कट्टर चाहत्यांनी त्याच्या या जबरदस्त झेलवरून त्याला अनफिट म्हणणाऱ्यांना चांगलेच टोलेही मारले आहेत.
क्षेत्ररक्षणाबरोबरच रोहितने या सामन्यात फलंदाजीतही महत्त्वाचे योगदान देत संघाला सामना जिंकून दिला आहे. त्याने वेस्ट इंडिजच्या १५८ धावांच्या आव्हानाचा पाठलाग करताना रोहितने सलामीला फलंदाजीला येत ४० धावांची तुफानी खेळी केली. त्याने १९ चेंडूंचा सामना करताना ३ षटकार आणि ४ चौकारांच्या मदतीने या धावा केल्या आहेत.
महत्त्वाच्या बातम्या-
पहिली टी२० जिंकत भारताचे विंडीजविरुद्ध खास ‘शतक’, आतापर्यंत फक्त दोनच संघांना जमलाय हा पराक्रम
पाय डगमगले आणि फुकटात षटकार दिला; पण बिश्नोई पुढे असा जबरदस्त खेळला की, मोठी चूकही किरकोळ वाटेल!!
व्वा काय झेल आहे! रोहितने कसला भारी कॅच घेतला, बाजूला उभा असलेला सूर्यकुमारही बघतच राहिला