नवी दिल्ली| भारतीय संघ न्यूझीलंड दौर्‍यावरुन परतल्यानंतर कोणत्याही प्रकारचे आंतरराष्ट्रीय क्रिकेट खेळलेला नाही. मॅन इन ब्लू दक्षिण आफ्रिकेविरुद्ध तीन सामन्यांची एकदिवसीय मालिका खेळणार होता. पण कोविड -19 च्या महामारीमुळे बीसीसीआयने ती अनिश्चित काळासाठी तहकूब केली. आता बातमी आहे की बीसीसीआयने द्विपक्षीय मालिकेसाठी श्रीलंका दौर्‍यावर जाण्याचे मान्य केले आहे. आणि याचा अर्थ असा आहे. की क्रिकेटच्या उत्साही चाहत्यांना लवकरच त्यांचे आवडते खेळाडू मैदानावर परत पाहायला मिळणार आहेत.
विराट कोहलीच्या(Virat Kohli) नेतृत्वाखालील संघ जूनमध्ये आयलँडर्सविरुद्ध तीन एकदिवसीय आणि तीन टी-20 सामने खेळणार होता. पण विषाणूमुळे मालिका रद्द करण्यात आली. एसएलसीने यापूर्वी भारतीय मंडळाला द्विपक्षीय मालिकेसाठी संघ पाठविण्याची विनंती केली होती. पण असे सांगितले जात आहे.की खेळाडूंना तंदुरुस्त होण्यासाठी सुमारे 8-12 आठवडे लागतील.
मालिका संबंधित, एसएलसीच्या एका अधिकाऱ्याने सांगितले. की ते त्यांच्या योजनेनुसार 30 ते 40 टक्के जागा भरण्याचा प्रयत्न करतील. परंतु त्यांना सरकारने दिलेल्या सर्व सूचना व मार्गदर्शक सूचनांचे पालनही करावे लागेल.
निश्चितच आम्ही 30 ते 40 टक्के जागा भरू इच्छितो. दर्शक एक मीटर अंतर राखू शकतात. आणि खेळ पाहू शकतात.पण अंतिम निर्णय आरोग्य अधिकारी घेतील. आम्ही त्यांच्या सर्व सूचनांचे पालन करू, ”असं ते म्हणाले.
श्रीलंकेकडून आशिया चषक 2020 चे आयोजनदेखील केले जाण्याची शक्यता आहे. गेल्या आठवड्यात एसएलसीला चांगली बातमी मिळाली आहे. अलीकडेच पाकिस्तानकडून आशिया चषक स्पर्धेच्या यजमानपदासाठी त्यांना ग्रीन सिग्नल मिळाला आहे.एशियन क्रिकेट परिषदच्या (एसीसी) बैठकीनंतर दूरध्वनीद्वारे श्रीलंका क्रिकेटने या बातमीला दुजोरा दिला.
क्रिकेट संघटनांनी सकारात्मक पावले उचलण्यास सुरुवात केल्यामुळे क्रिकेटप्रेमींसाठी चांगले दिवस लांब नाहीत. मंगळवारी वेस्ट इंडीजचा संघ 8 जुलैपासून सुरू होणार्‍या तीन सामन्यांच्या कसोटी मालिका खेळण्यासाठी इंग्लंडला रवाना झाला आहे. ही एक ऐतिहासिक मालिका आहे, जी कोविड-19च्या महामारीमुळे आयसीसीने तयार केलेल्या नवीन नियमांत खेळली जाईल.