भारत विरुद्ध दक्षिण आफ्रिका (T20 Series IND vs SA) पहिला टी20 सामना कटकच्या बाराबती स्टेडियमवर खेळला जाईल. मंगळवार, 9 डिसेंबर रोजी होणारा हा सामना खास असेल, कारण कटकमध्ये पहिल्यांदाच लाल मातीच्या (Red Soil) विकेटवर हा टी20 सामना होत आहे. सामना संध्याकाळी 7 वाजल्यापासून सुरू होईल. येथे नाणेफेक (Toss) महत्त्वाची भूमिका बजावेल.
सामन्यापूर्वी भारतीय कर्णधार सूर्यकुमार यादवने (Suryakumar Yadav) खेळपट्टीबद्दल (Pitch) बोलताना सांगितले की, मी अजून ही खेळपट्टी पाहिलेली नाही, पण ती चांगली असेल अशी आशा आहे.
तो म्हणाला की, काळ्या मातीची खेळपट्टी चांगली असते, पण त्याला वाटते की लाल मातीची खेळपट्टी देखील चांगली राहील. लाल मातीची विकेट वेगवान देखील असू शकते. बघूया, पण जर ती वेगवान (fast) राहिली तर ते चांगले आहे, असे तो म्हणाला.
बाराबती स्टेडियमवर यापूर्वी एकूण 3 टी29 आंतरराष्ट्रीय सामने झाले आहेत. यापैकी 2 सामने भारत आणि दक्षिण आफ्रिकेमध्ये झाले आहेत. वाईट गोष्ट अशी की, त्या दोन्ही सामन्यांत दक्षिण आफ्रिकेने भारताला हरवले आहे. तिसरा सामना भारताने श्रीलंकेविरुद्ध 93 धावांनी जिंकला होता.
नाणेफेक जिंकणारा कर्णधार पहिल्यांदा गोलंदाजी करणे पसंत करेल, कारण येथे दव (Dew) पडू शकते, ज्यामुळे दुसऱ्या डावात फलंदाजी करणे थोडे सोपे होऊ शकते. हवामान (Weather) देखील एक समस्या असू शकते. येथे पाऊस पडण्याची शक्यता 10 टक्के वर्तवण्यात आली आहे.
लाल मातीची खेळपट्टी वेगवान गोलंदाजांना मदत करू शकते, पण हा एक हाय स्कोरिंग (जास्त धावा होणारा) सामना होण्याची अपेक्षा आहे. टी20 च्या दृष्टीने खेळपट्टी फलंदाजांसाठी अनुकूल दिसत आहे. या मैदानावर पहिल्यांदाच 200 चा स्कोर होऊ शकतो.
टॉस जिंकून येथे प्रथम गोलंदाजी करण्याचा निर्णय योग्य ठरू शकतो.
परंतु, जर प्रथम फलंदाजी करणाऱ्या संघाने 200 चा मोठा स्कोर केला, तर दुसऱ्या डावात खेळणाऱ्या टीमसाठी अडचणी वाढतील.
