भारताचा ऑलिम्पियन हॉकी खेळाडू बिरेंद्र लकडा अडचणीत सापडला आहे. बिरेंद्रवर आरोप केले गेले आहेत की, त्याने त्याच्याच मित्राची हत्या केली आहे. मृत्यू झालेल्या व्यक्तिचे नाव आनंद टप्पो असे सांगितले गेले आहे. आनंदच्या वडिलांनी बिरेंद्र आणि मंजीत टेटे नावाच्या एका मुलीला यासाठी मुलाच्या मृत्यूसाठी जबाबदार ठरवले आहे.
वर उल्लेख केले गेलेले सर्वजण ओडिशाच्या सुंदरगढ जिल्ह्यातील रहिवासी आहेत. आनंद टप्पो नावाचा हा व्यक्ती रविवारी (२८ जून) इंपोसिटी पोलीस चौकीच्या क्षेत्रातील भुवनेश्वरमधील एका अपार्टमेंटमध्ये मृत अवस्थेत मिळाला. अपार्टमेंटमध्ये त्याचा देह लटकलेल्या अवस्थेत मिळाला होता. त्याने आत्महत्या केली आहे, यावर पोलिसांना शंका आहे. मृत्यू झालेल्या आनंदच्या वडिलांनी जे आरोप केले आहे, त्यानंतर राज्यातील हॉकी चाहत्यांना मोठा धक्का बसला आहे.
बंधना टप्पो यांनी असा आरोप केला आहे की, “माझ्या मुलाच्या मृत्यूच्या वेळी फ्लॅटमध्ये फक्त बिरेंद्र लकडा (Birendra Lakra) आणि मंजीत टेटे उपस्थित होते. मला संशय आहे की, मंजीत आनंदची प्रेयसी असू शकते आणि लकडाचे देखील या मुलीसोबत काहीतरी संबंध होता.” बंधना टप्पो पुढे म्हणाले की, आनंदचे यावर्षी १६ फेब्रुवारी रोजी लग्न झाले होते आणि १८ फेब्रुवारीला त्याचे रिसेफ्शन ठेवले गेले होते. रिसेप्शनमध्ये बिरेंद्र लकडा सहभागी झाला होता.
त्यांनी दावा केला की, २८ फेब्रुवारीला आनंद भुवनेश्वरला गेला होता आणि ही घटना तो फ्लॅटमध्ये पोहोचल्याच्या काही वेळानंतर झाली. त्यांनी असाही आरोप केला की, कुटुंबाला पोलिसांकडून मदत मिळत नाहीये. लकडा ओडिशा पोलिसमध्ये डीएसपी रँकचा अधिकारी असल्यामुळे तो तपासात अडथळा आणण्याचा प्रयत्न करत आहे. त्यांनी या केसचा निष्पक्ष तपास होण्यासाठी मागणी केली आहे.
बंधना यांनी केलेल्या या आरोपांवर अद्याप लकडा किंवा मंजीत टेटेकडून अध्याप कसल्याही प्रकारची प्रतिक्रिया आली नाहीये. दुसरीकडे पोलीस अधिकाऱ्यांनी अशी माहिती दिली की, इंफोसिटी पोलीस स्टेशनमध्ये एक अनैसर्गिक मृत्यूची केस दाखल केली गेली आहे आणि ते या प्रकरणात पुढचा तपास करण्यासाठी काही अहवालांची वाट पाहत आहेत.
महास्पोर्ट्सचा व्हॉट्सअप ग्रूप जॉइन करण्यासाठी येथे क्लिक करा
महत्वाच्या बातम्या –
रोहित-राहुल नाही तर ‘ही’ जोडी भारतासाठी ठरलेय सुपरहिट! रचली सर्वात मोठी भागिदारी
बाबर चा कहर! आता तर थेट विराटचाच विक्रम केलाय स्वत:च्या नावावर
एवढं सगळ करूनही संजू सॅमसनवर भारतीय दिग्गज नाराजच! वाचा काय म्हणतोय
