भारतीय महिला क्रिकेट संघ सध्या ऑस्ट्रेलिया दौऱ्यावर आहे. भारतीय महिला संघाची महत्वाची खेळाडू हरलीन देओलही या दौऱ्यावर संघासोबत आहे. हरलीन सोशल मीडियावर नेहमी सक्रिय असते आणि चाहत्यांसाठी सतत नवीन फोटो आणि व्हिडिओ शेअर करत असते. तिने नुकताच आपला एक नवीन फोटो चाहत्यांसाठी तिच्या अधिकृत इंस्टाग्राम खात्यावरून शेअर केला आहे.
या फोटोत हरलीन गोल्फरच्या लूकमध्ये दिसत आहे. तिने या फोटोत नारंगी रंगाचा टी-शर्ट आणि काळ्या रंगाची शॉर्ट पँट घातलेली आहे. तसेच तिने डोळ्यांवर टी-शर्टला मॅचिंग असणारे सनग्लासही घातलेले दिसत आहेत. चाहत्यांना हरलीनचा हा लूक चांगलाच भावलेला दिसत आहे.
हरलीनचा हा नवीन फोटो सोशल मीडियावर येताच प्रचंड वेगाने व्हायरल झाला आहे. चाहत्यांनी तिच्या या नवीन फोटोवर वेगवेगळ्या प्रतिक्रिया द्यायला सुरुवात केली आहे. हरलीन सध्या भारतीय संघासोबत ऑस्ट्रेलिया दौऱ्यावर असली तरी तिला संघाच्या प्लेइंग इलेव्हनमध्ये संधी मिळालेली नाही. अशातच ती गोल्फ खेळताना दिसत आहे. तिने गोल्ड कोस्टच्या क्वींन्सलँडमध्ये असलेल्या गोल्फ कोर्सवर जाऊन गोल्फचा आनंद घेतला आहे.
https://www.instagram.com/p/CUxB8Qfvtai/?utm_source=ig_web_button_share_sheet
