India Cricket Team Squad: भारतीय क्रिकेट संघासाठी (19 ऑगस्ट) हा दिवस खूप खास असणार आहे. या दिवशी भारतीय क्रिकेट नियामक मंडळ (BCCI) आशिया चषक आणि विश्वचषक या दोन्ही स्पर्धांसाठी संघाची घोषणा करणार आहे. पुरुष संघांसाठीचा आशिया चषक 9 सप्टेंबरपासून सुरू होत आहे, तर महिला संघांसाठीचा वनडे विश्वचषक 30 सप्टेंबरपासून सुरू होणार आहे. या महिला विश्वचषकाचा फायनल सामना (2 नोव्हेंबर) रोजी होईल. बीसीसीआय (19 ऑगस्ट) रोजी टी20 आशिया चषकासाठी पुरुष संघाची आणि वनडे विश्वचषकासाठी महिला संघाची घोषणा करेल. (BCCI squad announcement)
महिला वनडे विश्वचषक 12 वर्षांनंतर भारतात होणार आहे. यापूर्वी 2013 मध्ये भारताने या स्पर्धेचे आयोजन केले होते. त्यावेळी भारतीय संघ गट फेरीतूनच बाहेर पडला होता. भारताच्या यजमानपदाखाली होणाऱ्या या विश्वचषकातील पाकिस्तानचे सामने श्रीलंकेत खेळले जातील. यावेळी हरमनप्रीत कौरच्या नेतृत्वाखाली भारतीय संघ विश्वचषकासाठी मजबूत दावेदार बनू शकते. त्याचप्रमाणे, स्मृती मानधना आणि जेमिमा रॉड्रिग्ज यांचीही संघात निवड होणे जवळपास निश्चित आहे. विश्वचषकासाठी अंतिम संघाची घोषणा (19 ऑगस्ट) रोजी मुंबईत होणाऱ्या निवड समितीच्या बैठकीनंतर होईल. (Women’s ODI World Cup 2025)
आशिया चषकाचे आयोजन यावेळी संयुक्त अरब अमिरातीमध्ये होणार आहे. या स्पर्धेची सुरुवात (9 सप्टेंबर) रोजी होईल आणि फायनल सामना 28 सप्टेंबरला खेळला जाईल. भारत आणि पाकिस्तानला आशिया चषकात एकाच गटात ठेवले आहे. या स्पर्धेत भारतीय संघ सूर्यकुमार यादवच्या नेतृत्वाखाली उतरू शकतो. (Suryakumar Yadav Asia Cup) यावेळी आशिया चषक टी20 फॉरमॅटमध्ये खेळला जाईल. यापूर्वी ही स्पर्धा बहुतेक वेळा वनडे फॉरमॅटमध्ये खेळली गेली आहे. विश्वचषक संघासोबतच आशिया चषकासाठीही संघाची घोषणा मंगळवार, (19 ऑगस्ट) रोजी होईल.
🚨 BIG DAY FOR INDIAN CRICKET 🚨
— Johns. (@CricCrazyJohns) August 18, 2025
1.30 pm – Asia Cup Squad announcement.
3.30 pm – Women's World Cup squad announcement.
Live on Star Sports 1 & JioHotstar. pic.twitter.com/mHiygNTTOZ
