येत्या १९ सप्टेंबर पासून इंडियन प्रीमियर लीगच्या (आयपीएल) १३ व्या हंगामाला सुरुवात होणार आहे. या हंगामातील साखळी सामन्यांचे वेळापत्रक आज जाहीर करण्यात आले आहे. या मोसमातील पहिला सामना गतविजेत्या मुंबई इंडियन्स विरुद्ध चेन्नई सुपर किंग्स संघात आबुधबी येथे पार पडणार आहे.
आयपीएलचा हा १३ वा मोसम यावर्षी ५३ दिवसांचा असणार आहे. १९ सप्टेंबर ते ३ नोव्हेंबर पर्यंत या आयपीएल मोसमातील साखळी सामने पार पडतील. त्यानंतर प्लेऑफचे सामने सुरु होतील प्लेऑफच्या सामन्यांचे वेळापत्रक अजून जाहीर झालेले नाही.
तसेच यावर्षी आयपीएलमध्ये १० डबल हेडर (एका दिवसात दोन सामने) होणार आहेत. डबल हेडरच्या दिवशी दुपारचे सामने ३.३० वाजता सुरु होतील आणि संध्याकाळचे सामने ७.३० वाजता सुरु होतील.
आयपीएलमधील यशस्वी संघांपैकी एक असणाऱ्या चेन्नई सुपर किंग्सने आत्तापर्यंत आयपीएलचे ३ वेळा विजेतेपद जिंकले आहे. त्यामुळे यावर्षी चेन्नईचा संघ चौथे विजेतेपद जिंकण्याच्या इराद्याने खेळेल.
चेन्नईच्या १३ सामन्यांपैकी ११ सामने रात्री ७.३० वाजता होतील. तर उर्वरित २ सामने दुपारी ३.३० वाजता होतील.
असे आहेत आयपीएल 2020 मधील चेन्नई सुपर किंग्सचे साखळी फेरीतील सामने-
१९ सप्टेंबर, शनिवार: मुंबई विरुद्ध चेन्नई, आबुधाबी, रात्री ७ वाजून ३० मिनीटांनी
२२ सप्टेंबर, मंगळवार: राजस्थान विरुद्ध चेन्नई, शारजहा, रात्री ७ वाजून ३० मिनीटांनी
२५ सप्टेंबर, शुक्रवार: चेन्नई विरुद्ध दिल्ली, दुबई, रात्री ७ वाजून ३० मिनीटांनी
२ ऑक्टोबर: शुक्रवार: चेन्नई विरुद्ध हैद्राबाद, दुबई, रात्री ७ वाजून ३० मिनीटांनी
४ ऑक्टोबर: रविवार: पंजाब विरुद्ध चेन्नई, शारजहा, दुबई, रात्री ७ वाजून ३० मिनीटांनी
७ ऑक्टोबर: बुधवार: कोलकाता विरुद्ध चेन्नई, आबुधाबी, रात्री ७ वाजून ३० मिनीटांनी
१० ऑक्टोबर: शनिवार: चेन्नई विरुद्ध बेंगलोर, दुबई , रात्री ७ वाजून ३० मिनीटांनी
१३ ऑक्टोबर: रविवार: हैद्राबाद विरुद्ध चेन्नई, दुबई, रात्री ७ वाजून ३० मिनीटांनी
१७ ऑक्टोबर: गुरुवार: दिल्ली विरुद्ध चेन्नई, शारजहा, रात्री ७ वाजून ३० मिनीटांनी
१९ ऑक्टोबर: शनिवार: चेन्नई विरुद्ध राजस्थान, आबुधाबी, रात्री ७ वाजून ३० मिनीटांनी
२५ ऑक्टोबर: सोमवार: बेंगलोर विरुद्ध चेन्नई, दुबई, दुपारी ३ वाजून ३० मिनीटांनी
२९ ऑक्टोबर: सोमवार: चेन्नई विरुद्ध कोलकाता, दुबई , रात्री ७ वाजून ३० मिनीटांनी
१ नोव्हेंबर: रविवार: चेन्नई विरुद्ध पंजाब, आबुधाबी, दुपारी ३ वाजून ३० मिनीटांनी
आयपीएल 2020 साठी असा आहे चेन्नई सुपर किंग्जचा संघ-
एमएस धोनी, इम्रान ताहिर, लूंगी एन्गिडी, ऋतुराज गायकवाड, शेन वॉटसन, अंबाती रायडू, मुरली विजय, केदार जाधव, रवींद्र जडेजा, दीपक चाहर, पीयुष चावला, नारायण जगदीसन, मिशेल सँटनर, केएम असिफ, शार्दुल ठाकूर, आर साई किशोर, फाफ डू प्लेसिस, मोनू कुमार, ड्वेन ब्राव्हो, जॉश हेजलवूड, सॅम करन, कर्ण शर्मा.