चेन्नई सुपर किंग्जला मिळाला जोश हेजलवुडचा पर्याय, ‘या’ खेळाडूला केले ताफ्यात सामील

आंतरराष्ट्रीय क्रिकेटच्या व्यस्त वेळापत्रकामुळे घेतली माघार 
आंतरराष्ट्रीय क्रिकेटच्या व्यस्त वेळापत्रकाला पाहता ३० वर्षीय हेजलवुडने यंदाच्या आयपीएल हंगाम कालावधीत विश्रांती घेण्याचा निर्णय घेतला होता.

क्रिकेट ऑस्ट्रेलियाशी बोलताना हेजलवुडने सांगितले होते की, “मागील १० महिन्यांपासून मी वेगवेगळ्या वेळी जैव सुरक्षित वातावरण आणि विलगीकरणात राहिलो आहे. त्यामुळे मी क्रिकेटमधून थोडा वेळ सुट्टी घेण्याचे ठरवले आहे. जेणेकरुन मी माझ्या मायदेशी आणि माझ्या घरी काही वेळ घालवू शकेन. पुढील हिवाळी हंगाम आमच्यासाठी खूप मोठा असणार आहे.”

“ऑस्ट्रेलियाचा वेस्ट इंडिज दौरा खूप मोठा असेल. बांगलादेशविरुद्धची टी२० मालिका वर्षाच्या शेवटच्या महिन्यात होईल. त्यानंतर टी२० विश्वचषक २०२१ आणि मग ऍशेस सीरिज. अशाप्रकारे पुढील १२ महिने खूप महत्त्वाचे असणार आहेत. यावेळी ऑस्ट्रेलिया संघाचा भाग असताना मला मानसिक आणि शारिरिक रित्या स्वत:ला पूर्णपणे तयार ठेवायचे आहे. याच कारणामुळे मी आयपीएलचा यंदाचा हंगाम न खेळण्याचा निर्णय घेतला आहे. याचा पुढे मलाच फायदा होणार आहे,” असे त्याने पुढे सांगितले होते.

गतवर्षी तो चेन्नई संघाचा भाग होता. मात्र पूर्ण हंगामात त्याला अवघ्या ३ सामन्यात खेळण्याची संधी देण्यात आली होती. दरम्यान त्याने ६४ धावा खर्च करत केवळ १ विकेट घेतली होती.

महत्त्वाच्या बातम्या-

अरे व्वा! केवळ हिंदी, मराठी नव्हे तर ‘या’ ८ भाषांमध्ये ऐकायला मिळणार आयपीएल सामन्यांचा थरार

‘माही’वर जीव ओवाळून टाकणाऱ्या अभिनेत्रीने ब्रेकअपनंतर नात्याला म्हटले होते मोठी चूक, आता ‘या’ कारणामुळे आली चर्चेत

मी सराव करुन परतलो आणि वडीलांचे निधन झाल्याचे कळाले; सिराजचा दु:खद आठवणींना उजाळा