आयपीएल २०२१ हंगाम अंतिम टप्प्यात पोहोचला आहे. हंगामातील शेवटचे काही सामने खेळायचे बाकी आहेत. चेन्नई सुपर किंग्स, दिल्ली कॅपिटल्स आणि रॉयल चॅलेंजर्स बेंगलोर हे तीन संघ प्लेऑफमध्ये दाखल झाले असून, दुसरीकडे मुंबई इंडियन्स, राजस्थान रॉयल्स आणि कोलकाता नाइट रायडर्स (केकेआर) हे संघ प्ले ऑफमधील चौथे स्थान मिळवण्यासाठी संघर्ष करत आहेत. अशात केकेआरचे खेळाडू मात्र कसल्याच चिंतेत दिसत नाहीत. केकेआरने त्यांच्या ट्वीटरवरून एक व्हिडिओ शेअर केला आहे, ज्यामध्ये खेळाडू स्विमिंग पूलमध्ये एका नवीन प्रकारचा सराव करताना दिसत आहेत.
केकेआरचा पाणीवाला डान्स
केकेआरने शेअर केलेल्या व्हिडिओत संघातील खेळाडूंसोबतच सर्व सदस्य स्विमिंग पूलमध्ये उपस्थित आहेत. संघाचा क्षेत्ररक्षण प्रशिक्षक जेम्स फॉस्टर त्या सर्वांनी स्विमिंग पूलमध्ये डान्स करायला सांगत असल्याचे दिसत आहे. केकेआरने व्हिडिओच्या कॅप्शनमध्ये लिहिले आहे की, ‘जस्ट डू इट पाणी वाला डान्स.’ संघाचे रिकव्हरी सत्र चांगले गेले.” व्हिडिओच्या सुरुवातील केकेआरचे मुख्य प्रशिक्षक ब्रेंडन मॅकुलम यांनी सर्वांनी सुचित केले आहे की, “जेम्स फॉस्टर आणि अकील आज आपल्यासाठी एक चांगले रिकवरी सत्र घेतील. तुम्ही सांगु शकता का की, आज आपण आज काय करणार आहोत?”
𝙅𝙪𝙨𝙩 𝙙𝙤 𝙩𝙝𝙖𝙩 𝙋𝙖𝙖𝙣𝙞 𝙒𝙖𝙡𝙖 𝘿𝙖𝙣𝙘𝙚 😂🎶
Recovery session done quite right ✅#KKR #AmiKKR #KorboLorboJeetbo #আমিKKR #IPL2021 pic.twitter.com/O4iU9SDyio
— KolkataKnightRiders (@KKRiders) October 5, 2021
मॅकुलमच्या या प्रश्नावर फॉस्टरने सांगितले की, ते खेळाडूंचे रिकवरी सत्र कशाप्रकारे घेणार आहेत. आपण सर्व फक्त थोड्या वेळासाठी पाण्यातील एरोबिक्स करणार असल्याचे फॉस्टरने सांगितले. ते म्हणाले, “मी तुम्हाला सांगेल की, आपण काय करायचे आणि सोबतच अकीलही त्याला पुढे घेऊन जाईल. तर तुम्हा सर्वांना आमच्या स्टेप्सचे अनुकरण करावे लागेल.” या सुचना दिल्यानंतर संगीत सुरू झाले आणि सर्व डान्स करू लागले. फॉस्टर पूलच्या बाहेर ज्याप्रकारे एरोबिक्स करत होते, त्याचे अनुकरण पूलमधील खेळाडू करत असल्याचे व्हिडिओत दिसत आहे. हे सत्र संपल्यानंतर सर्वांनी टाळ्याही वाजवल्या.
गुणतालिकेत चौथ्या स्थानी आहे केकेआर
केकेआर सध्या गुणतालिकेत चौथ्या स्थानावर आहे, पण संघ अजून प्लेऑफसाठी पात्र ठरलेला नाही. त्यांचा पुढचा सामना ७ ऑक्टोबरला राजस्थान रॉयल्सविरुद्ध होणार आहे. केकेआरचे नेट रनरेट चांगले असल्यामुळे राजस्थानविरुद्धचा सामना जिंकल्यावर संघ प्लोऑफमध्ये स्थान निश्चित करण्याची शक्यता आहे.