‘याला मसल नाही, फॅट म्हणतात’, बुमराहने बायसेप दाखवणाऱ्या ईशानची सगळ्यांसमोर उडवली खिल्ली, VIDEO VIRAL

आयीएलमध्ये सर्वाधिक ५ वेळा विजेतेपद पटकावलेला संघ मुंंबई इंडियन्सने चालू हंगामातील त्यांचे पहिले तिन्ही सामने गमावले आहेत. रोहित शर्माच्या नेतृत्वातील मुंबई इंडियन्सला त्यांचा पुढचा सामना रॉयल चॅलेंजर्स बेंगलोरसोबत खेळायचा आहे. या हंगामात मुंबईची फलंदाजी ठीक-ठाक राहिली आहे, पण गोलंदाज मात्र अपेक्षेप्रमाणे प्रदर्शन करताना दिसले नाहीत. पुढचा सामना खेळण्यापूर्वी मुंबईच्या खेळाडूंचा खास फोटोशूट केला गेला, ज्याचा व्हिडिओ फ्रँचायझीने शेअर केला आहे.

मुंबई इंडियन्स (Mumbai Indians) संघाला त्यांचा पुढचा सामना ९ एप्रिल (रविवार) रोजी खेळायचा आहे. त्यापूर्वी फ्रँचायझीने संघातील खेळाडूंनाचा फोटोशूटमध्ये सहभाग घ्यायला लावला. या फोटोशूटदरम्यान अनुभवी वेगवान गोलंदाज जसप्रीत बुमराहने सलामीवीर फलंदाज ईशान किशनची फिरकी घेतली. फोटोशूटवेळी रोहित शर्मा (Rohit Sharma) आणि त्याची पत्नी रितिका सजदेह त्यांच्या मुलीसह उपस्थित होते. हे सर्वजण या व्हिडिओत दिसत आहेत. व्हिडिओत ईशान किशन (Ishan Kishan) त्याचे बायसेप्स दाखवताना दिसत आहे,

ईशान किशन कॅमेरामनशी बोलताना म्हणतो की, “नाही नाही! मसल याला म्हणतात, हे पाहा.” तितक्यात जसप्रीत बुमराह (Jasprit Bumrah) त्याठिकाणी येतो आणि म्हणतो, “याला मसल नाही फॅट म्हणतात. हातात देखील फॅट असते.”

We have someone looking cute in today's 𝐌𝐈 𝐃𝐚𝐢𝐥𝐲 and it's not Samaira! 😋💙#OneFamily #DilKholKe #MumbaiIndians MI TV pic.twitter.com/K17aII96cd

— Mumbai Indians (@mipaltan) April 8, 2022

आयपीएल २०२२ मधील मुंबई इंडियन्सच्या प्रदर्शनाचा विचार केला, तर ते खूपच निराशाजन राहिले आहे. मुंबई त्यांचे पहिले तीन सामने दिल्ली कॅपिटल्स, राजस्थान रॉयल्स आणि कोलकाता नाईट रायडर्स यांच्याविरुद्ध गमावले आहेत. या तिन्ही सामन्यात मुंबईच्या फलंदाजांनी चांगला खेळ दाखवला, पण गोलंदाजी मात्र अपेक्षेप्रमाणे होऊ शकेलली नाही. जसप्रीत बुमराहच्या रूपात संघाकडे एकमेव गोलंदाज आहे, जो किफायतशीर प्रदर्शन करत आहे. त्याव्यतिरिक्त इतर सर्व गोलंदाज संघाला महागात पडले आहेत.