वेस्ट इंडीजचा दिग्गज अष्टपैलू ड्वेन ब्रावो मागच्या काही वर्षांपासून त्याची आयपीएल फ्रेंचायझी चेन्नई सुपर किंग्जसाठी अप्रतिम प्रदर्शन करत आहे. आता तो आयपीएलमध्ये सर्वाधिक विकेट्स घेणारा गोलंदाजही बनला आहे. यापूर्वी सर्वाधिक आयपीएल विकेट्स घेणारा गोलंदाज श्रीलंकन दिग्गज लसिथ मलिंगा होता. पण आता ब्रावोने मलिंगाचा हा विक्रम मोडून या यादीत पहिला क्रमांक पटकावला आहे. स्वतःचा हा महत्वाचा विक्रम मोडीत निघाल्यावर मलिंगाने खास प्रतिक्रिया दिली आहे.
ड्वेन ब्रावो (Dwayne Bravo) आयपीएलमध्ये सर्वात जास्त विकेट्स घेणारा गोलंदाज बनल्यानंतर ट्वीटच्या माध्यमांतूल लसिथ मलिंगा (Lasith Malinga) व्यक्त झाला आहे. ब्रावोने केकेल्या या विक्रमासाठी मलिंगाने त्याचे कौतुक केले. ट्वीटमध्ये मलिंगाने लिहिले की, ब्रावो एक चॅम्पियन गोलंदाज आहे. आयपीएलच्या इतिहासात सर्वात जास्त विकेट घेणारा गोलंदाज बनण्यासाठी शुभेच्छा. अजून खूप पुढे जायचे आहे.
Bravo is a CHAMPION🕺🏻
Congratulations on becoming the highest wicket-taker in IPL history mate @DJBravo47👏
More to go young man!🤩#IPL2022— Lasith Malinga (@malinga_ninety9) March 31, 2022
