इंडियन प्रीमिअर लीग 2023 स्पर्धेला 31 मार्चपासून सुरुवात होत आहे. इंग्लंडचा माजी कर्णधार जो रूट आयपीएल पदार्पण करण्यासाठी सज्ज झाला आहे. 32 वर्षीय जो रूट राजस्थान रॉयल्स संघाचा भाग आहे. मागील वर्षी आयपीएल 2023च्या मिनी लिलावात त्याला राजस्थानने एक कोटी रुपयात ताफ्यात सामील केले होते. रूटला यावर्षी आयपीएलमध्ये खेळायची इच्छा होती, पण त्याच्यावर कोणी बोलीच लावत नव्हते. मात्र, राजस्थानने त्याच्यावर विश्वास टाकत त्याला संघात घेतले. आता या हंगामात रूटला खेळताना पाहण्यासाठी चाहते उत्सुक आहेत. अशातच आता त्याने आयपीएल पदार्पणाविषयी वक्तव्य केले आहे.
जो रूटची रणनीती
जो रूट (Joe Root) याने आयपीएल 2023 (IPL 2023) स्पर्धेला सुरुवात होण्यापूर्वी राजस्थान रॉयल्स (Rajasthan Royals) संघाकडून जारी करण्यात आलेल्या निवेदनात भावना मांडल्या. तो म्हणाला की, “मी जितके होईल, तितक्या स्वाभाविक खेळण्याचा आणि गोलंदाजांपुढे नवीन काही करण्याचा प्रयत्न करेल. मला विश्वास आहे की, मी याचा आनंद लुटेल. तसेच, माझे सर्वोत्तम प्रदर्शन देण्याचा प्रयत्न करेल.”
Ladies and Gents… Joe Root is finally home! 💗 pic.twitter.com/8xbp1EJE9P
— Rajasthan Royals (@rajasthanroyals) March 25, 2023
पुढे बोलताना रूट म्हणाला की, “असे वाटते की, प्रत्येकाला अशा गोष्टी करायच्या आहेत, ज्या मैदानावर केल्या जाणाऱ्या प्रदर्शनापेक्षाही वेगळ्या आहेत. मी संघात आल्याने राजस्थान रॉयल्सचे सर्व खेळाडू खुश आहेत.” रूटनुसार, “आयपीएलचा एक असा अनुभव आहे, जो तुम्ही जगभरात इतर कुठेही घेऊ शकत नाहीत. मी यापूर्वी याचा कधीही अनुभव घेतला नाही. त्यामुळे हे सर्व माझ्यासाठी नवीन असणार आहे. एक अनुभवी खेळाडू म्हणून हे माझ्यासाठी खूपच रोमांचक असणार आहे. मी आयपीएलमध्ये अनेक गोष्टी ऐकल्या आहेत. मात्र, आता मी हे जगणार आहे.”
रूटसाठी सोपा नसेल मार्ग
मात्र, रूट हा आयपीएल पदार्पणाविषयी भाष्य करत असला, तरीही त्याच्यासाठी आयपीएलचा मार्ग सोपा नसेल. तो इंग्लंडच्या टी20 संघातून जवळपास 4 वर्षांपासून बाहेर आहे. याव्यतिरिक्त त्याला टी20 सामन्यांचाही खूप अनुभव नाहीये. रूटने इंग्लंडसाठी 32 आंतरराष्ट्रीय सामने खेळले आहेत. दुसरीकडे, एकूण टी20 सामन्यांबाबत बोलायचं झालं, तर त्याने 88 सामने खेळले आहेत. सध्याच्या घडीला तो इंग्लंडचा मर्यादित षटकांच्या संघाचा भागही नाहीये. अशात आयपीएलमध्ये त्याला शानदार प्रदर्शन करणे कठीण ठरेल. (ipl 2023 rajasthan royals batter joe root on his indian premier league debut read here what he said)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
विल यंगच्या वादळापुढे श्रीलंकन गोलंदाजांनी टाकल्या नांग्या, न्यूझीलंडने वनडे मालिका 2-0ने घातली खिशात
भारतीय मूळ असलेल्या पठ्ठ्याची धमाल! कमी वयात यूएईविरुद्ध ठोकले शतक, वाचवली अमेरिकेची लाज
