आयपीएल 2024 च्या 12 व्या सामन्यात गुजरात टायटन्स आणि सनरायझर्स हैदराबाद आमनेसामने आहेत. अहमदाबादच्या नरेंद्र मोदी स्टेडियमवर हा सामना खेळला जात आहे. नाणेफेक जिंकून प्रथम फलंदाजी करताना हैदराबादनं निर्धारित 20 षटकात 8 बाद 162 धावा केल्या. आता गुजरातला विजयासाठी 163 धावांची आवश्यकता आहे.
हैदराबादकडून अभिषेक शर्मानं 2 चौकार आणि 2 षटकारांच्या मदतीनं 29 धावा केल्या. अब्दुल समदनंही 29 धावांचं योगदान दिलं. हेन्रिक क्लासेननं 24 धावा केल्या. तर एडन मार्करम 17 धावा करून बाद झाला. हैदराबादची सुरुवात चांगली झाली, पण मयंक अग्रवाल पुन्हा एकदा अपयशी ठरला. त्याला केवळ 16 धावा करता आल्या. ट्रॅव्हिस हेड 19 धावा करून बोल्ड झाला. पॉवरप्लेमध्ये हैदराबादनं 1 गडी गमावून 55 धावा केल्या होत्या. वॉशिंग्टन सुंदरचं खातं उघडलं नाही. तो पहिल्याच चेंडूवर बाद झाला. तर कर्णधार पॅट कमिन्स 2 धावा करून नाबाद राहिला.
गुजरात टायटन्सकडून मोहित शर्मानं शानदार गोलंदाजी केली. त्यानं 4 षटकात 25 धावा देत 3 बळी घेतले. तर उमेश यादव, नूर अहमद, उमरझाई आणि राशिद खान यांनी प्रत्येकी एक विकेट घेतली. मोहित शर्मानं टाकलेल्या 20व्या षटकात फक्त तीन धावा गेल्या आणि तीन खेळाडू पॅव्हेलियनमध्ये परतले. दुसऱ्या चेंडूवर शाहबाज अहमद (22) तेवतियाच्या हाती झेलबाद झाला. पुढच्याच चेंडूवर वॉशिंग्टन सुंदर बाद झाला. तर अब्दुल समद (29) शेवटच्या चेंडूवर धावबाद झाला.
या सामन्यासाठी गुजरात टायटन्सच्या प्लेइंग 11 मध्ये दोन मोठे बदल पाहायला मिळाले. वेगवान गोलंदाज स्पेन्सर जॉन्सनच्या जागी अफगाणिस्तानचा फिरकी गोलंदाज नूर अहमदचा समावेश करण्यात आला. तर फिरकी गोलंदाज साई किशोरच्या जागी वेगवान गोलंदाज दर्शन नळकांडेला संधी मिळाली. दुसरीकडे, सनरायझर्स हैदराबादनं त्यांच्या प्लेइंग 11 मध्ये कोणताही बदल केलेला नाही.
दोन्ही संघांची प्लेइंग 11
गुजरात टायटन्स – वृद्धिमान साहा (विकेटकीपर), शुबमन गिल (कर्णधार), अजमतुल्ला ओमरझाई, डेव्हिड मिलर, विजय शंकर, राहुल तेवतिया, राशिद खान, उमेश यादव, नूर अहमद, मोहित शर्मा, दर्शन नळकांडे
इम्पॅक्ट प्लेअर्स – साई सुदर्शन, रविश्रीनिवासन साई किशोर, शरथ बीआर, मानव सुथार, अभिनव मनोहर
सनरायझर्स हैदराबाद – मयंक अग्रवाल, ट्रॅव्हिस हेड, अभिषेक शर्मा, एडन मार्करम, हेनरिक क्लासेन (विकेटकीपर), अब्दुल समद, शाहबाज अहमद, पॅट कमिन्स (कर्णधार), भुवनेश्वर कुमार, मयंक मार्कंडे, जयदेव उनाडकट
इम्पॅक्ट प्लेअर्स – उमरान मलिक, वॉशिंग्टन सुंदर, ग्लेन फिलिप्स, नितीश रेड्डी, उपेंद्र यादव
महत्त्वाच्या बातम्या-
मयंक यादवच्या वेगवान चेंडूवर प्रीती झिंटाही फिदा! ‘डिंपल गर्ल’ची प्रतिक्रिया सोशल मीडियावर व्हायरल
सनरायझर्स हैदराबाद अडचणीत! मुख्य फिरकी गोलंदाज दुखापतीमुळे संपूर्ण हंगामातून बाहेर
वानखेडेवर हार्दिक पांड्याला बूइंग करणाऱ्या चाहत्यांविरुद्ध कारवाई होणार का? एमसीएनं थेटच सांगितलं
