क्रिकेट असोसिएशन ऑफ बंगाल (CAB) ने बीसीसीआयला एक पत्र पाठवून प्रसिद्ध क्रिकेट समालोचक हर्षा भोगले आणि सायमन डूल यांना ईडन गार्डन्सवर होणाऱ्या आयपीएल 2025 सामन्यांमध्ये कमेंट्री करण्यास बंदी घालण्याची मागणी केली आहे. ही मागणी त्यांनी दोघांनी ईडन गार्डन्सच्या क्युरेटर सुजन मुखर्जी यांच्यावर केलेल्या टीकेनंतर केली आहे.
डूल यांनी क्रिकबझवरील चर्चेत सांगितले की, जर क्युरेटर संघाच्या मागण्या ऐकत नसेल, तर कोलकाता नाईट रायडर्स (KKR) ने नवीन गृह मैदान (Home Ground) शोधावे. भोगले यांनीही असेच मत व्यक्त केले की, गृह संघाला (home team) त्यांच्या खेळाडूंना अनुकूल खेळपट्टी मिळायला हवी.
???? BHOGLE & DOULL RED FLAGGED. ????
— Mufaddal Vohra (@mufaddal_vohra) April 21, 2025
✍️ The CAB has written a letter to the BCCI to not allow Harsha Bhogle and Simon Doull to commentate at Eden Gardens.
???? Doull previously suggested KKR should move their home ground out of Kolkata due to the curator. (Revsportz). pic.twitter.com/LdE4nGHLqs
CAB ने क्युरेटर मुखर्जी यांचे समर्थन करताना सांगितले की, त्यांनी बीसीसीआयच्या नियमांचे पालन केले आहे, ज्यात स्पष्टपणे नमूद आहे की कोणत्याही फ्रँचायझीला खेळपट्टीच्या स्वरूपावर नियंत्रण ठेवण्याचा अधिकार नाही.
बीसीसीआयने अद्याप यावर अधिकृत प्रतिक्रिया दिली नाही, परंतु अहवालानुसार, भोगले आणि डूल हे आज (21 एप्रिल) KKR आणि गुजरात टायटन्स यांच्यातील ईडन गार्डन्सवरील सामन्यात कमेंट्री करताना दिसणार नाहीत.
