आयपीएल 2025च्या 23 व्या सामन्यात गुजरात टायटन्स आणि राजस्थान रॉयल्स आमने सामने येणार आहेत. हा सामना गुजरातच्या होम ग्राउंड, अहमदाबादमधील नरेंद्र मोदी स्टेडियमवर खेळला जाईल. गुजरात संघ राजस्थान रॉयल्सविरुद्ध घरच्या परिस्थितीचा फायदा घेऊ इच्छितो.
गुजरातकडे कर्णधार शुबमन गिल, जोस बटलर, शेरफेन रदरफोर्ड आणि साई सुर्दशन सारखे स्फोटक फलंदाजांचा समावेश असलेली मजबूत फलंदाजी फळी आहे. गेल्या सामन्यात पंजाब किंग्जविरुद्ध वॉशिंग्टन सुंदरने 49 धावांची खेळी खेळली होती, ज्यावरून गुजरातच्या फलंदाजीची खोली किती आहे याची कल्पना येते. गुजरात टायटन्सकडून आतापर्यंत फक्त वेगवान गोलंदाज मोहम्मद सिराज आणि फिरकी गोलंदाज आर साई किशोर यांनीच चांगली कामगिरी केली आहे. फिरकी गोलंदाज रशीद खान आणि वेगवान गोलंदाज इशांत शर्मा यांचा खराब फॉर्म संघासाठी मोठी चिंता आहे.
दुसरीकडे, राजस्थानची फलंदाजीही खूप मजबूत आहे. संघात संजू सॅमसन, ध्रुव जुरेल, रियान पराग आणि नितीश राणासारखे आक्रमक फलंदाज आहेत. आतापर्यंत सर्वांनी फलंदाजीत चांगली कामगिरी केली आहे. तथापि, गुजरातप्रमाणेच, राजस्थानची कमजोरी देखील त्यांची गोलंदाजी आहे. संदीप शर्मा वगळता इतर कोणताही गोलंदाज चेंडूने प्रभावित करू शकला नाही. तथापि, गेल्या सामन्यात जोफ्रा आर्चरने 3 विकेट्स घेतल्या होत्या पण तो ही कामगिरी कायम ठेवू शकतो की नाही हे पाहणे बाकी आहे.
जर आपण या दोन्ही संघांच्या हेड टू हेड रेकॉर्डवर नजर टाकली तर सामना जवळजवळ एकतर्फी झाला आहे. गुजरात आणि राजस्थानमध्ये आतापर्यंत एकूण 6 सामने खेळले गेले आहेत. गुजरातने 5 सामने जिंकले आहेत तर राजस्थानने फक्त एकदाच विजय मिळवला आहे.
