लखनऊ सुपर जायंट्स विरुद्ध मुंबई इंडियन्स आयपीएल 2025 चा 16वा सामना आज म्हणजेच शुक्रवार, 4 एप्रिल रोजी लखनऊच्या एकाना स्टेडियमवर खेळला जाणार आहे. एलएसजी विरुद्ध एमआय सामना कोणता संघ जिंकणार याकडे चाहत्यांच्या नजरा लागल्या आहेत.
आयपीएल 2025 मध्ये दोन्ही संघांची ही पहिलीच लढत आहे, परंतु आतापर्यंत या रंगतदार लीगमध्ये दोघांमध्ये झालेल्या सर्व सामन्यांमध्ये लखनऊने नेहमीच मुंबईवर वर्चस्व गाजवले आहे. अशा परिस्थितीत, एलएसजी चाहत्यांना आशा असेल की ते या विक्रमात आणखी सुधारणा करतील. दुसरीकडे, शेवटचा सामना जिंकून येथे पोहोचलेला मुंबई संघ आपला रेकॉर्ड सुधारून पॉइंट टेबलच्या टॉप-4 मध्ये स्थान मिळवू इच्छितो.
आयपीएलमध्ये आतापर्यंत लखनऊ सुपर जायंट्स आणि मुंबई इंडियन्स यांच्यात एकूण फक्त 6 सामने खेळले गेले आहेत. आश्चर्याची गोष्ट म्हणजे, या दरम्यान 5 वेळा आयपीएल विजेत्या एमआयला एलएसजीकडून 5 वेळा पराभव पत्करावा लागला आहे. 2023 मध्ये मुंबईने लखनऊविरुद्धचा एकमेव सामना जिंकला होता. तर गेल्या तीन सामन्यांमध्ये, एलएसजीने एमआयविरुद्ध विजयाची हॅटट्रिक साधली आहे.
मुंबई इंडियन्सने कोलकाता नाईट रायडर्सविरुद्धच्या शेवटच्या सामन्यात विजय मिळवून आपले खाते उघडले. हंगामातील त्यांच्या पहिल्या विजयासह ते आयपीएल 2025 पाँइंट्स टेबलमध्ये सहाव्या स्थानावर आहेत. जर आज मुंबईने विजय मिळवला तर ते पाचव्या स्थानावर येण्याची खात्री आहे कारण त्यांच्यापेक्षा केकेआरचा नेट रन रेट मुंबईपेक्षा कमी आहे. जर एमआयने मोठा विजय मिळवला तर ते टॉप- 4 मध्येही आपले स्थान बनवू शकते.
