लखनऊ सुपर जायंट्स (LSG) आणि मुंबई इंडियन्स (MI) यांच्यातील सामना आज संध्याकाळी 7.30 वाजता लखनऊच्या एकाना स्टेडियमवर खेळला जाईल. या सामन्यापूर्वी, मुंबई इंडियन्सचा सलामीवीर रोहित शर्मा आणि लखनऊ सुपर जायंट्सचा कर्णधार रिषभ पंत यांच्यातील एक व्हिडिओ व्हायरल होत आहे. मुंबई इंडियन्सने सोशल मीडियावर एक व्हिडिओ शेअर केला आहे, ज्यामध्ये रिषभ पंतने रोहित शर्माला मागून मिठी मारून आश्चर्यचकित केले आहे.
रोहित शर्मा लखनऊ सुपर जायंट्स (एलएसजी) मार्गदर्शक झहीर खानशी बोलत होता. दोन्ही भारतीय क्रिकेट स्टार्समधील मैत्रीचा एक खास क्षण टिपणारा हा व्हिडिओ क्लिप लवकरच व्हायरल झाला. व्हिडिओमध्ये रोहित शर्माला असे म्हणताना ऐकू येते की, ‘मला जे करायचे होते ते मी केले. मला आत्ता काहीही करण्याची गरज नाही. यानंतर, रिषभ पंत गंमतीने म्हणाला, ‘हो!’ असे म्हणत त्याने रोहित शर्माला थांबवले.
पाहा व्हिडिओ-
Q: For how long are you going to watch this reel? 😍
— Mumbai Indians (@mipaltan) April 3, 2025
A: Haaanjiiii 🫂💙#MumbaiIndians #PlayLikeMumbai #TATAIPL #LSGvMI pic.twitter.com/e2oxVieoz2
जेव्हा मुंबई इंडियन्स आणि लखनऊ सुपर जायंट्स हे संघ एकमेकांसमोर येतील तेव्हा सर्वांच्या नजरा रोहित शर्मा आणि ऋषभ पंत यांच्या कामगिरीवर असतील. पाच वेळा विजेत्या मुंबई इंडियन्सची या हंगामात आतापर्यंत चांगली कामगिरी झालेली नाही आणि तीन सामन्यांतून त्यांचे फक्त दोन गुण आहेत. भारतीय कर्णधार रोहित शर्माचा खराब फॉर्म मुंबईसाठी चिंतेचा विषय आहे. धावा करण्यासाठी संघर्ष करणाऱ्या लखनऊचा कर्णधार पंतलाही हेच लागू होते. या दोन प्रमुख फलंदाजांच्या खराब कामगिरीचा परिणाम निकालावर स्पष्टपणे दिसून येतो.
