भारताच्या ‘आयपीएल’ प्रमाणेच श्रीलंकेची देखील ‘एलपीएल’ ही एक स्पर्धा आहे. या स्पर्धेतील ‘कॅंडी टस्कर्स’ या संघात अष्टपैलू खेळाडू इरफान पठाणची निवड करण्यात आलेली आहे. बॉलिवूड अभिनेता ‘सोहेल खान’ हा या संघाचा मालक असून त्याने इरफान पठाणवर विश्वास दाखवला आहे.
‘आयपीएल’ स्पर्धा जगभरातील प्रसिद्ध क्रिकेट स्पर्धेच्या यादीत पहिल्या स्थानी आहे. जगभरातील क्रिकेटपटू या स्पर्धेत खेळण्यासाठी इच्छुक असतात. जशी भारताची ‘आयपीएल’ तशीच इतर देशांची देखील त्यांची स्वतंत्र अशी एक क्रिकेट स्पर्धा असते जिथे जगभरातील क्रिकेटर खेळतात.
श्रीलंकेमध्ये लवकरच ‘एलपीएल’ म्हणजेच ‘लंका प्रीमियर लीग’ ही क्रिकेट स्पर्धा सुरू होणार आहे. या स्पर्धेत समाविष्ट झालेल्या संघांमधील ‘कॅंडी टस्कर्स’ या संघात भारताचा माजी अष्टपैलू खेळाडू इरफान पठाणची निवड करण्यात आलेली आहे. हा संघ बॉलीवूड अभिनेता सोहेल खानने विकत घेतला आहे. इरफान पठाणसारखा अनुभवी अष्टपैलू खेळाडू संघात असल्याने संघाला त्याची मदत होईल असा विश्वास सोहेल खानला आहे.
एलपीएल स्पर्धा 21 नोव्हेंबरला सुरू होणार असून 13 डिसेंबर रोजी फायनल होणार आहे. या स्पर्धेत एकूण पाच संघ सहभागी होणार असून 23 सामने होणार आहेत. इरफान पठाण खेळत असलेल्या संघात श्रीलंकेचे स्टार खेळाडू कुसल परेरा, कुसल मेंडीस, नुवान प्रदीप यांच्या सह इंग्लंडचा वेगवान गोलंदाज लियाम प्लंकेट असणार आहे. वेस्ट इंडिज संघाचा खतरनाक फलंदाज ख्रिस गेल देखील या संघात असल्याने तो संघाचे विशेष आकर्षण व मोठा आधार असणार आहे.