आगामी 23 नोव्हेंबरपासून सुरू होणाऱ्या सय्यद मुश्ताक अली ट्राॅफी टी20 स्पर्धेसाठी संघ जाहीर करण्याची प्रक्रिया सुरू आहे. या मालिकेत दिल्लीनेही आपला संघ जाहीर केला असून त्यात अनेक प्रतिभावान खेळाडूंसह अनुभवी इशांत शर्माचीही निवड करण्यात आली आहे. इशांतला तिन्ही फॉरमॅटमध्ये भारतीय संघातून वगळण्यात आले असले तरी त्याला अजूनही देशांतर्गत क्रिकेट खेळण्याची आवड आहे. या कारणास्तव तो आता सय्यद मुश्ताक अली ट्रॉफीच्या आगामी हंगामात भाग घेणार आहे. त्याने नुकतेच आयपीएल 2025 च्या मेगा लिलावासाठी स्वतःची नोंदणी केली आहे आणि शॉर्टलिस्ट केलेल्या 574 खेळाडूंमध्ये त्याला स्थान मिळाले आहे.
यावर्षी दिल्ली प्रीमियर लीगच्या उद्घाटन हंगामात आपल्या झंझावाती फलंदाजीने धमाकेदार कामगिरी करणाऱ्या प्रियांश आर्यची देखील दिल्ली संघात निवड झाली असून त्याच्याकडून पुन्हा एकदा चमकदार कामगिरीची अपेक्षा आहे. दिल्ली प्रीमियर लीग 2024 मध्ये, प्रियांशने 10 सामन्यांमध्ये 67.56 च्या सरासरीने आणि 198.69 च्या जबरदस्त स्ट्राइक रेटने 608 धावा केल्या. ज्यामध्ये दोन शतके आणि चार अर्धशतकांचाही समावेश आहे. प्रियांशने स्पर्धेतील एका षटकात सहा षटकार मारून खळबळ उडवून दिली.
सय्यद मुश्ताक अली ट्रॉफी 2024 मध्ये दिल्लीचे कर्णधारपद आयुष बदोनीकडे सोपवण्यात आले आहे. ज्याने अलीकडच्या काळात आपल्या कामगिरीने तसेच आपल्या नेतृत्वाने प्रभावित केले आहे. इशांत आणि प्रियांश व्यतिरिक्त या संघात अनुज रावत, मयंक यादव, यश धुल्ल, सिमरजीत सिंग आणि सुयश शर्मा यांचाही समावेश आहे. जे आयपीएलमध्ये खेळले आहेत. अशा प्रकारे दिल्लीने मजबूत संघ निवडला आहे.
सय्यद मुश्ताक अली ट्राॅफी दिल्ली संघ : आयुष बदोनी (कर्णधार), प्रियांश आर्य, अनुज रावत, हिम्मत सिंग, मयंक गुसैन, मयांक यादव, जॉन्टी सिद्धू, इशांत शर्मा, यश धुल्ल, सिमरजीत सिंग, वैभव कंदपाल, हर्ष त्यागी, प्रिन्स यादव, हिमांशू चौहान, वंश बेदी, आर्यन राणा, अखिल चौधरी, ध्रुव कौशिक, सार्थक रंजन, सुयश शर्मा, दिग्वेश राठी, आयुष सिंग, प्रिन्स चौधरी, प्रणव रणवंशी
हेही वाचा-
आयपीएल लिलावापूर्वी हार्दिक पांड्या मैदानात, 8 वर्षांनंतर ही स्पर्धा खेळणार
IND VS AUS; माजी क्रिकेटपटूने निवडली पर्थ कसोटी सामन्यासाठी टीम इंडियाची प्लेइंग इलेव्हन!
पैशांमुळे दिल्ली कॅपिटल्सने रिषभ पंतला रिटेन केले नाही? यष्टीरक्षकानेच सांगितले पडद्यामागचे सत्य!