ऑस्ट्रेलिया दिग्गज आणि माजी कर्णधार स्टीव वॉने (steve waugh) भारताच्या नव्या खेळाडू बद्दल म्हणजेच 14 वर्षीय वैभव सूर्यवंशीच्या (vaibhav suryavanshi) आयपीएल 2025 (IPL 2025) स्पर्धेतील चांगल्या फलंदाजीबद्दल त्यांचे मत व्यक्त केले आहे. ते म्हणाले की, सूर्यवंशीची फलंदाजी बघून ते आश्चर्यचकित झाले, परंतु त्यांनी त्याला खेळामध्ये सातत्य ठेवण्याचा सल्ला देखील दिला. राजस्थान रॉयलसाठी खेळलेल्या वैभवने गुजरात विरुद्ध 35 चेंडू त्याचे शतक पूर्ण केले आणि आयपीएल मध्ये भारतीय फलंदाजाने सर्वात वेगाने शतक झळकावून इतिहास रचला. वैभवने एकूण 38 चेंडूत 101 धावांची पारी खेळली होती, त्यामुळे त्याने सर्वांनांचे लक्ष त्याच्याकडे वेधून घेतले.
ऑस्ट्रेलियामध्ये ‘ऑस्ट्रेलिया समोर ऑफ क्रिकेट’ 2025- 26 इव्हेंट दरम्यान अनिल कुंबळे, मॅथ्यू हेडन आणि रॉबिन उथप्पा यांच्याशी बोलताना स्टीव म्हणाले, मी त्याची फलंदाजी पाहिली आणि मला विश्वास नाही बसला की तो इतक्या सहजपणे चेंडू मैदानाच्या बाहेर पाठवत होता. त्याचे टाइमिंग आणि सहजपणे खेळणे खूप शानदार होते.
स्टीव वॉने म्हटले, 14 वर्षांच्या वयामध्ये खेळण्याचा जोश आणि दबाव दिसत नव्हता. ते म्हणाले, त्याच्यासाठी सर्वात मोठे आव्हान हे असेल की या स्वातंत्र्याला नियंत्रित ठेवणे. वैभवकडे आधीपासूनच करोडोंचं आयपीएल अनुबंध आहे आणि कदाचित 16 वर्षांच्या वयाआधी तो करोडपती बनेल. अशा परिस्थितीत त्याच्यावर दबाव आणि आशांचं ओझं वाढू शकतं.
ते पुढे बोलताना म्हणाले, तो पुढच्या हंगामात सुद्धा अशाच धाडसाने खेळू शकेल? हेच त्याच्यासाठी खरे आव्हान असेल. त्याच्याकडे जबरदस्त प्रतिभा आहे, तसेच तो मानसिक दृष्ट्या देखील मजबूत आहे आणि त्याचा सफर देखील खास आहे. मला वाटते, अशा खेळाडूचे यश खूप क्रिकेटसाठी महत्त्वाचे आहे. त्यांनी हे देखील स्वीकार केले की, ते जास्त आयपीएल सामने बघत नाहीत. पण वैभव सारख्या खेळाडूसाठी ते सामने बघणे पसंत करतील. असे खेळाडू खेळासाठी एक शानदार आकर्षण आहेत.
