मुंबई । ऑस्ट्रेलियाचा माजी वेगवान गोलंदाज आणि ससेक्सचे मुख्य प्रशिक्षक जेसन गिलेस्पी यांची दक्षिण ऑस्ट्रेलियाचा(साऊथ ऑस्ट्रेलिया) मुख्य प्रशिक्षक म्हणून नियुक्ती करण्यात आली आहे. गिलेस्पी यांनी दक्षिण ऑस्ट्रेलियाचा मुख्य प्रशिक्षक होण्यासाठी ससेक्स संघ सोडेल. ते संघाचे प्रशिक्षक जेमी सिडॉन्सची जागा घेतील.
सिडॉन्स प्रशिक्षक असताना 2015-16 आणि 2016-17 साली शेफील्ड शील्डच्या अंतिम सामन्यामध्ये दक्षिण ऑस्ट्रेलियाला व्हिक्टोरियाकडून पराभूत व्हावे लागले होते.
गिलेस्पी म्हणाले की, “दक्षिण ऑस्ट्रेलियन क्रिकेट संघाचा प्रशिक्षक होण्याची संधी मला मिळाली. ही माझ्यासाठी सन्मानाची बाब आहे. एसएसीएमध्ये खेळाडू, प्रशिक्षक आणि मैदानी संघाबरोबर काम करण्याची संधी मिळाल्यामुळे मला आनंद झाला आहे. मी दक्षिण ऑस्ट्रेलियासह काम करण्यास खूप उत्सुक आहे.”
एक यशस्वी वेगवान गोलंदाज म्हणून ऑस्ट्रेलियाच्या राष्ट्रीय संघात नाव कमविलेल्या, जेसन गिलेस्पीच्या नावावर कसोटी क्रिकेटमध्ये द्विशतकाची शतकाची नोंद आहे. 2006 मध्ये बांगलादेशविरुद्धच्या चितगाव कसोटी सामन्यात त्यांनी नवव्या क्रमांकावर फलंदाजी केली होती. कसोटी क्रिकेटमधील हा विश्वविक्रम आहे. जो अद्याप कुणालाही मोडता आला नाही.