लॉर्ड्स कसोटीत १४ धावा करताच रूटची ‘मोठ्या’ विक्रमाला गवसणी, आता केवळ कूक आहे पुढे

इंग्लंड विरुद्ध भारत या दोन्ही बलाढ्य संघांमध्ये पाच कसोटी सामन्यांच्या मालिकेतील दुसरी लढत लॉर्ड्सच्या मैदानावर सुरू आहे. या सामन्यातील पहिल्या डावात भारतीय संघाने ३६४ धावा केल्या. तर या धावांचा पाठलाग करत असताना इंग्लंड संघाला चांगली सुरुवात करून देण्यात अपयश आले होते. परंतु, त्यानंतर इंग्लिश कर्णधाराने जबाबदारी स्वीकारत डाव पुढे नेला. यासह त्याने विक्रमी कामगिरी करत दिग्गज खेळाडूंना मागे टाकले आहे.

इंग्लंड संघाचा कर्णधार जो रूट हा गेल्या काही वर्षांपासून इंग्लंड संघाच्या विजयात मोलाचे योगदान देत आहे. संघातील इतर फलंदाज जेव्हा फ्लॉप ठरत असतात, त्यावेळी जो रुट येऊन डाव सावरण्याचे काम अनेकदा करत असतो. भारतीय संघाविरुद्ध सुरू असलेल्या पहिल्या दोन कसोटी सामन्यांमध्ये देखील असेच काहीसे चित्र पाहायला मिळाले आहे.

पहिल्या कसोटी सामन्यात शतक झळकावल्यानंतर, दुसऱ्या कसोटी सामन्यातील पहिल्या डावात इंग्लंड संघ अडचणीत असताना जो रूटने पुन्हा एकदा जबाबदारी स्वीकारत इंग्लंड संघाला सामन्यात पुनरागमन करुन दिले. .(Joe root becomes second highest runs scorer for England)

ग्रॅहम गुचला टाकले मागे 
जो रुटने भारतीय संघाविरुद्ध सुरू असलेल्या दुसऱ्या कसोटी सामन्यातील पहिल्या डावात १४ धावांचा पल्ला गाठताच कसोटी क्रिकेटमध्ये मोठा पराक्रम केला आहे. तो ग्रॅहम गुचला मागे टाकत इंग्लंड संघासाठी कसोटी क्रिकेटमध्ये सर्वाधिक धावा करणारा दुसऱ्या क्रमांकाचा फलंदाज ठरला आहे. गुच यांनी कसोटी क्रिकेटमध्ये ८९०० धावा केल्या होत्या.

तसेच इंग्लंड संघासाठी कसोटी क्रिकेटमध्ये सर्वाधिक धावा करण्याचा विक्रम ॲलेस्टर कूकच्या नावे आहे. कुकच्या नावे कसोटी क्रिकेटमध्ये सर्वाधिक १२४७२ धावा करण्याच्या पराक्रम आहे. भारताविरुद्धच्या लॉर्ड्स कसोटीचा दुसरा दिवस संपला तेव्हा रुटच्या नावावर ८९३५ धावा झाल्या होत्या. दुसऱ्या दिवसाखेर रुट ४८ धावांवर नाबाद खेळत आहे.

इंग्लंड संघाचा कर्मधर जो रुट याने इंग्लंड संघासाठी आतापर्यंत एकूण १०६ कसोटी सामने खेळले आहेत. यादरम्यान त्याने ४९.१ च्या सरासरीने ८९०० पेक्षा अधिक धावा केल्या आहे. यादरम्यान त्याने ५० अर्धशतक तर २१ शतक झळकावले आहेत.

महत्त्वाच्या बातम्या – 

विक्रमी अँडरसन! लॉर्ड्स कसोटीत ५ विकेट्स घेत ‘या’ विक्रमाच्या यादीत आर अश्विनला टाकले मागे

Video: पहिल्या दिवशी इंग्लिश गोलंदाजांचा घाम काढणाऱ्या केएल राहुलचा ऑली रॉबिन्सनने असा काढला काटा

‘फुल टू फिल्मी’ पद्धतीने राजस्थान रॉयल्सच्या ‘या’ क्रिकेटरचा झाला साखरपुडा, फोटो तुफान व्हायरल