टीम इंडियाचा स्टार यष्टीरक्षक फलंदाज रिषभ पंतचे दिल्ली कॅपिटल्ससोबतचे आठ वर्षांचे नाते काल गुरुवारी (31 ऑक्टोबर) अधिकृतपणे संपुष्टात आले. दिल्ली कॅपिटल्स संघाने जाहीर केलेल्या राखून ठेवलेल्या खेळाडूंच्या यादीत अक्षर पटेल, कुलदीप यादव, ट्रिस्टन स्टब्स आणि अभिषेक पोरेल यांच्या नावांचा समावेश आहे. रिषभ पंतने दिल्ली कॅपिटल्सशी संबंध का तोडले? असे प्रश्न चाहते सोशल मीडियावर विचारत आहेत.
आता रिषभ पंतच्या दिल्ली कॅपिटल्सपासून वेगळे होण्याचे मोठे कारण समोर आले आहे. पीटीआयच्या वृत्तानुसार, कोचिंग मॅनेजमेंटमध्ये झालेल्या बदलामुळे पंत नाराज होता. दिल्ली कॅपिटल्सची मालकी रचना गुंतागुंतीची आहे. सह-मालक (GMR) आणि (JSW) यांना दोन वर्षांसाठी व्यवस्थापन नियंत्रण मिळते. GMR च्या व्यवस्थापनाखाली आल्यानंतर, त्यांनी माजी प्रशिक्षक व्यवस्थापन काढून टाकले ज्यात क्रिकेट संचालक सौरव गांगुली यांचा समावेश होता. त्यांच्या जागी वेणुगोपाल राव यांना नियुक्त केले.
मीडिया रिपोर्ट्सनुसार, वेणुगोपाल राव आणि हेमांग बदानी यांच्या आगमनाने पंत खूश नव्हता. बऱ्याचदा झालेल्या चर्चेचा कोणताही परिणाम पंतवर झाला नाही. त्याला नवीन कोचिंग स्टाफसोबत काम करायचे नव्हते. म्हणून त्याने दिल्ली कॅपिटल्समधून वेगळे होण्याचा निर्णय घेतला.
रिषभ पंतने 2016 मध्ये दिल्ली कॅपिटल्ससाठी आयपीएलमध्ये पदार्पण केले. तेव्हापासून तो गेल्या आठ हंगामात संघासोबत होता. त्याने आयपीएलमध्ये दिल्ली कॅपिटल्ससाठी 110 डावांमध्ये 35.31 च्या सरासरीने 3284 धावा केल्या. ज्यात त्याने एक शतक आणि 18 अर्धशतके झळकावली आहेत. त्याचा स्ट्राइक रेट 148.93 आहे.
दिल्ली कॅपिटल्सने या खेळाडूंना कायम ठेवले
अक्षर पटेल (16.5 कोटी)
कुलदीप यादव (13.25 कोटी)
ट्रिस्टन स्टब्स (10 कोटी)
अभिषेक पोरेल (4 कोटी)
हेही वाचा-
इंग्लंडची फजिती! नेपाळविरुद्ध अवघ्या 4 षटकांत लाजिरवाणा पराभव
भारतीय संघाच्या ऑस्ट्रेलिया दौऱ्याच्या वेळापत्रकात मोठा बदल, हा सामना रद्द!
IPL 2025; ‘अच्छे दिन आ गये’, मेगा लिलावापूर्वी या खेळाडूंची दिवाळी!
