पाकिस्तानचा वेगवान गोलंदाज जुनेद खान याने भारत दौऱ्याशी निगडीत एक किस्सा सांगितला आहे. 11 वर्षांपूर्वी पाकिस्तान संघ भारतात आला होता. त्यावेळी जुनेद आणि विराट कोहली यांच्यातील घमासान पाहायला मिळाले होते. जुनेद या मालिकेत विराट कोहलीवर भारी पडला होता. नुकत्याच एका पॉडकास्टला दिलेल्या मुलाखतीत जुनेदने विराटची विकेटविषयी महत्वाची माहिती दिली.
भारत आणि पाकिस्तान (India Vs Pakistan) यांच्यातील शेवटची द्विपक्षीय मालिका 2012-13 मध्ये खेळली गेली होती. जुनेद खान (Junaid Khan) आणि विराट कोहली (Virat Kohli) यांच्यातील संघर्ष या मालिकेत चर्चेचा विषय ठरला होता. नुकत्याच दिलेल्या मुलाखथीत जुनेद खान म्हणाला, “मी अनेकांचा त्रिफला उडवला, पण लोकांच्या लक्षात राहते ती विराट कोहलीची विकेट. 19 वर्षांखालील विश्वचषक स्पर्धेत मी आणि विराट एकमेकांविरुद्ध खेळलो होतो. आम्ही एकमेकांना ओळखत होतो. माझ्यासाठी ती (2012-13) पुनरागमनाची मालिका होती. पहिल्यांदाच भारताविरुद्ध खेळत होतो. पहिल्याच सामन्यात मी विराटला बाद केल्यानंतर तो म्हणाला की, असे पुन्हा नाही होणार.”
विराटने जुनेदच्या चेंडूवर विकेट गमावल्यानंतर मात्र, भारतीय दिग्गजाने पुन्हा अशाप्रकारे विकेट देणार नाही, असे ठामपणे सांगितले. मात्र, दुसरीकडे जुनेद देखील तितक्याच आत्मविश्वासात होता. मालिकेतील दुसऱ्या आणि तिसऱ्या सामन्यात देखील त्याने विराटची विकेट घेतली. मुलाखतीत पुढे जुनेद म्हणाला, “या प्रकारानंतर (विराटच्या विधानानंतर) मी दुसऱ्या आणि तिसऱ्या सामन्यातही विराटला बाद केले. तिसऱ्या सामन्याआधी ब्रेकफास्ट टेबलवर मी त्याला असे म्हटलो देखील की, विरू आज तुझी खैर नाही. तेव्हा युनिस खास देखील होते. युनिसही मला म्हणाला की, आज याला पुन्हा बाद कर आणि झाले पण तसेच. मी पुन्हा विराटला पवेलियनमध्ये पाठवले. युनिस भाईने विराटचा झेल घेतला होता.”
विराट कोहली आज जगातील सर्वोत्तम फलंदाजांपैकी एक आहे. पण जुनेद खानपुढे त्याची बॅट नेहमीच शांत राहिली आहे. एकूण पाच वनडे सामन्यांमध्ये विराट आणि जुनेद आमने सामने आले आहेत. यादरम्यान जुनेदने टाकलेल्या 24 चेंडूंमध्ये विराट फक्त तीन धावा करू शकला आणि तीन वेळा विकेट गमावली. 2017 नंतर विराट आणि जुनेद पुन्हा कधीच एकमेकांविरुद्ध खेळताना दिसले नाहीत. (Junaid Khan reveals the warning he gave to Virat Kohli 11 years ago)
महत्वाच्या बातम्या –
ऑस्ट्रेलियाविरुद्धची टी20 मालिका गाजवणाऱ्या ऋतुराजविषयी दिग्गजाची प्रतिक्रिया; म्हणाला, ‘त्याला गिलकडून…’
आयपीएल 2024 मधून जोफ्रा आर्चरची माघार, इंग्लंड क्रिकेट बोर्डाने घेतला धक्कादायक निर्णय
