पुणे (6 मार्च 2024) – के. एम. पी. युवा कबड्डी सिरीज 2024 च्या दुसऱ्या दिवसाच्या लढती एकतर्फी झाल्या. पहिल्या सामन्यात रत्नागिरी संघाने धुळे संघाला पराभूत करत स्पर्धेतील पहिला विजय मिळवला तर दुसऱ्या सामन्यात मुंबई शहर ने जालना संघाल पराभूत करत विजयचा खात उघडला. बीड व अहमदनगर जिल्हाने ₹स्पर्धेतील सलग दुसरा विजय मिळवला.
आज झालेल्या पहिल्या सामन्यात अभिषेक शिंदे व श्रेयस शिंदे या चढाईपटूंनी सुपर टेन पूर्ण करत रत्नागिरी संघाला 47-32 असा मोठा विजय मिळवून दिला. रत्नागिरीच्या बचवाफळी ने पकडीत 9 गुण मिळवत महत्वपूर्ण भूमिका निभावली. तर दुसऱ्या सामन्यात जालना संघाने मुंबई शहरला चांगली फाईट दिली. मुंबई शहर ने 36-26 असा विजय मिळवला.
बीड संघाने नांदेड संघाचा 45-30 असा पराभव केला तर आजच्या दिवसाच्या शेवटच्या सामन्यात अहमदनगर संघाने रायगड संघावर मात देत सलग दुसरा विजय संपादन केला. बीड कडून आज पुन्हा एकदा राहुल टेके ने उत्कृष्ट खेळी केली तर अहमदनगर संघाकडून प्रफुल झवारे ने सुपर टेन पूर्ण केला. अभिषेक पवार व संभाजी वाबले यांनी हाय फाय पूर्ण करत विजय सोपा केला.
आजचे संक्षिप्त निकाल-
रत्नागिरी जिल्हा 47 – धुळे जिल्हा 32
मुंबई शहर 36 – जालना जिल्हा 26
बीड जिल्हा 45 – नांदेड जिल्हा 30
अहमदनगर जिल्हा 49 – रायगड जिल्हा 26
महत्वाच्या बातम्या –
IND vs ENG : पाचव्या कसोटीत भारताची पहिल्या दिवशीच मजबूत पकड; रोहित अन् यशस्वीची अर्धशतके
के. एम. पी. युवा कबड्डी सिरीज मध्ये बीड जिल्ह्याचा सलग दुसरा विजय.
