के. एम. पी. युवा कबड्डी सिरीज आठव्या दिवशी ‘ब’ गटातील सामान्याना सुरुवात झाली. परभणी पांचाला प्राईड, मुंबई शहर मौर्य मेवरीक्स, रत्नागिरी अरावली ॲरोज यांनी त्याच्या पहिल्या सामन्यात विजयी सलामी दिली. तर ठाणे हम्पी हिरोज विरुद्ध नांदेड चांबल चॅलेंजर्स लढत बरोबरीत राहिली. ‘ब’ गटातील 4 टॉप संघ प्रमोशन राऊंड साठी खेळतील तर उर्वरित 4 संघ रेलीगेशन राऊंड खेळतील.
आजच्या पहिल्या सामन्यात परभणी पांचाला प्राईड संघाने नाशिक द्वारका डिफेंडर्स संघावर 40-21असा एकतर्फी विजय मिळवला. परभणी कडून राहुल घांडगे ने अष्टपैलू खेळाचा प्रदर्शन केलं तर मुन्ना शेख ने चढाईत 9 गुण मिळवत महत्वपूर्ण भूमिका निभावली. आजच्या दिवसाचा दुसरा सामना अत्यंत चुरशीचा झाला. मुंबई शहर मौर्य मेवरीक्स विरुद्ध नंदुरबार हिमालयन ताहर्स अशी लढत बघायला मिळाली. मुंबई शहर संघांने 31-27 असा नंदुरबार संघाचा पराभव केला. मुंबई शहर कडून शार्दूल पाटील ने चमकदार कामगिरी केली. तर नंदुरबारच्या अतुल राठोड ने हाय फाय पूर्ण केला.
आजच्या दिवशी झालेल्या तिसऱ्या सामन्यात रत्नागिरी अरावली ॲरोज संघाने धुळे चोला वीरांस संघाला 35-24 अशी मात देत पहिला विजय साजरा केला. साईराज कुंभार ने अष्टपैलू खेळ करत तर चढाईत वेद पाटील ने कमालीचा खेळ केला. अमरसिंह कश्यप ने जबरदस्त पकडी करत संघाचा विजय सोपा केला. आज झालेल्या चौथ्या चुरशीच्या लढतीत ठाणे हम्पी हिरोज विरुद्ध नांदेड चांबल चॅलेंजर्स ही लढत 33-33 अशी बरोबरीत राहिली. ठाणे कडे आघाडी असताना नांदेड च्या अजित चव्हाण ने चढाईत चपळ खेळ करत संपूर्ण सामन्यात14 गुण मिळवत सामना फिरवला. तर ठाणेचा विघ्नेश चौधरी व मंगेश सोनावणे यांनी महत्वाची भूमिका निभावली. (K. M. P. Mixed results on first day in Group ‘B’ of Yuva Kabaddi Series)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
घरच्या मैदानावर राहुलने गमावला टॉस, हैदराबाद करणार बॅटिंग, ‘या’ दोन अनुभवी खेळाडूंचा लखनऊमध्ये डेब्यू
सीएसकेचे प्रशिक्षकच आपल्या खेळाडूंवर नाराज? मुंबईविरुद्धच्या सामन्याआधी अशा शब्दांत केली कानउघडणी