मुंबई । गुरुवारी क्रिकेटमध्ये एक विचित्र घटना घडली. ही घटना इतर कुणाबरोबर नव्हे तर आयर्लंड संघातील अष्टपैलू केविन ओ ब्रायन बाबत घडली आहे. केविन ओब्रायनने गुरुवारी धमाकेदार खेळी करत सर्वांची मने जिंकली. पण जेव्हा तो घरी जाण्यासाठी बाहेर आला आणि गाडी पाहिली तेव्हा तो दंग होऊन गेला खरं तर, केव्हिन ओब्रायनने त्याच्या खेळीदरम्यान एक उत्तुंग षटकार ठोकला होता. तो चेंडू थेट त्याच्या कारवर जाऊन आदळला. त्यामुळे त्याच्या गाडीच्या काचा फुटल्या.
केव्हिन ओ ब्रायनन गुरुवारी इंटर प्रोविंसियल मालिकेत खेळत होता. या आयरिश अष्टपैलू खेळाडूने सामन्यात 37 चेंडूत 82 धावांची तुफानी खेळी केली. या डावात केविन ओ ब्रायनने 8 लांब षटकार ठोकले. दरम्यान, यातील एक षटकार इतका उत्तुंग होता की तो चेंडू थेट पार्किंगमध्ये उभ्या केलेल्या त्याच्या स्वत:च्याच गाडीवर जाऊन पडला. चेंडू जोरदार लागल्याने त्याचा गाडीच्या काचा फुटल्या. या घटनेची माहिती खुद्द आंतरराष्ट्रीय क्रिकेट परिषदेने त्यांच्या ट्विटरवरून दिली आहे.
Kevin O'Brien in the Inter-Provincial Series match on Thursday:
✳️ 82 runs in 37 balls
✳️ 8️⃣ x 6s
✳️ Broke his own car window with a six ???????? pic.twitter.com/7qtYHRMCRq— ICC (@ICC) August 28, 2020
पेमब्रोक क्रिकेट क्लब येथे हा सामना सुरु होता, ज्यात आयर्लंड संघाचा सुप्रसिद्ध फलंदाज केविन ओ ब्रायनदेखील खेळत होता. ओब्रायनच्या कारची काचा फोडल्याची बातमी सोशल मीडियावर व्हायरल झाली. त्याने ठोकलेल्या षटकाराची चर्चा रंगू लागली. केव्हिन ओ ब्रायन मायभूमी लेन्स्टर लाइटनिंगसाठी टी20 सामने खेळत होता.
केविन ओब्रायन आपल्या तुफानी फलंदाजीसाठी प्रसिद्ध आहे, पण क्लब क्रिकेटमधील हा सामना असल्याने याची जास्त चर्चा झाली नव्हती. आयर्लंड संघासाठी कसोटी क्रिकेटमध्ये पहिले शतक झळकाविले होते. केव्हिन ओ ब्रायन 2011 च्या वनडे विश्वचषकात इंग्लंडविरुद्ध तुफानी शतकी खेळी करुन आयर्लंड संघाला जिंकवून दिल्याने चर्चेत आला होता.
महत्त्वाच्या बातम्या –
मोठी बातमी- सीएसके संघाला धक्का; संघातील सदस्य आढळले कोरोना पॉझिटिव्ह
सीपीएलमध्ये चालली मोहम्मद नबीच्या फिरकीची जादू; दिग्गज फलंदाज फिरकीच्या जाळ्यात
बाप होणार विराट कोहली, पण ट्रोल होतोय सैफ अलीचा मुलगा तैमूर
ट्रेंडिंग लेख –
७० शतकांना गवसणी घालणारा किंग कोहली आयपीएल २०२०मध्ये करू शकतो हे ‘विराट’ विक्रम
मुंबई इंडियन्सकडून फक्त १ सामना आला नशिबी, त्यातही ‘हे’ २ भारतीय क्रिकेटर ठरले फ्लॉप
लॉकडाऊन दरम्यान या ५ क्रिकेटपटूंनी दिली ‘गुडन्यूज’, ३ भारतीयांचा समावेश