मुंबई। सोमवारी (१८ एप्रिल) ब्रेबॉर्न स्टेडियमवर इंडियन प्रीमीयर लीग २०२२ हंगामातील (IPL 2022) ३० वा सामना पार पडला. राजस्थान रॉयल्स आणि कोलकाता नाईट रायडर्स या दोन संघात हा सामना पार पडला. या सामन्यात राजस्थानने ७ धावांनी विजय मिळवला. पण, असे असले तरी, कोलकाताकडून पॅट कमिन्स आणि शिवम मावीने मिळून घेतलेल्या झेलानेही सर्वांचे लक्ष वेधले.
कमिन्स मावीचा अप्रतिम झेल
या सामन्यात राजस्थान रॉयल्सने प्रथम फलंदाजी केली. यावेळी १८ वे षटक टाकण्यासाठी कोलकाताकडून सुनील नारायण आला. त्याने टाकलेल्या पहिल्या चेंडूवर रियान परागने मोठा फटका मारण्याचा प्रयत्न केला. पण लाँग ऑनला उभ्या राहिलेला कमिन्स पळत आला आणि त्याने सीमारेषेजवळ असताना उडी घेत एका हाताने चेंडू झेलला, पण चेंडू पकडण्याच्या नादात तोल जाईल म्हणून त्याने तो चेंडू शिवम मावीच्या दिशेने फेकला.
चेंडू फेकल्यानंतर कमिन्स सीमारेषेबाहेर पडला. पण मावीने त्याने फेकलेला चेंडू उंच उडी मारत एका हाताने पकडत झेल पूर्ण केला. यावेळी पंचांनी झेल बरोबर होता का हे पाहण्यासाठी तिसऱ्यांपचांची मदत घेतली. पण रिप्लेमध्ये तो झेल योग्य असल्याचे दिसले. त्यामुळे परागला बाद व्हावे लागले (Shivam Mavi and Pat Cummins Stunning Catch at Boundary).
कमिन्सने या सामन्यात क्षेत्ररक्षणात जरी कमाल दाखवली असली, तरी त्याला गोलंदाजी आणि फलंदाजीत खास कामगिरी करता आली नाही. त्याने ४ षटकांत १ विकेट घेत तब्बल ५० धावा खर्च देखील केल्या. तसेच तो फलंदाजी करताना शुन्यावर बाद झाला.
https://twitter.com/StarSportsIndia/status/1516107005571833863
राजस्थानने जिंकला सामना
या सामन्यात राजस्थानकडून जोस बटलरने १०३ धावांची खेळी केली होती. तसेच कर्णधार संजू सॅमसनने ३८ धावांची खेळी केली. त्यामुळे राजस्थानने २० षटकांत ५ बाद २१७ धावा केल्या आणि कोलकाता समोर २१८ धावांचे आव्हान ठेवले. कोलकाताकडून सुनील नारायणने २ विकेट्स घेतल्या.
त्यानंतर २१८ धावांच्या आव्हानाचा पाठलाग करताना कोलकाताकडून श्रेयस अय्यरने सर्वाधिक ८५ धावांची खेळी केली. तसेच त्याच्या व्यतिरिक्त ऍरॉन फिंचने ५८ धावांची अर्धशतकी खेळी केली. पण राजस्थानकडून युजवेंद्र चहलने घेतलेल्या ५ विकेट्समुळे कोलकाताला १९.४ षटकांत सर्वबाद २१० धावाच करता आल्या. यामुळे राजस्थानने अखेरच्या षटकात ७ धावांनी सामना जिंकला.
महा स्पोर्ट्सचा व्हॉट्सअप ग्रुप जॉइन करण्यासाठी लिंकवर क्लिक करा
महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा
महत्त्वाच्या बातम्या –
Video: चहलचा कहर! आयपीएलमध्ये पहिली हॅट्रिक घेत अनोखे सेलिब्रेशन, पाहा कशा गेल्या विकेट्स
मोठी बातमी! ख्रिस्तियानो रोनाल्डोवर कोसळला दु:खाचा डोंगर, मुलाचे झाले निधन; वाचा सविस्तर
अशा ६ घटना जेव्हा नाईटवॉचमन म्हणून खेळायला आलेल्या क्रिकेटपटूने केले शतक
