IND vs ENG: इंग्लंड दौऱ्यावर खेळल्या जात असलेल्या 5 सामन्यांच्या कसोटी मालिकेत केएल राहुल शानदार प्रदर्शन करत आहे. शुबमन गिलनंतर तो या मालिकेत सर्वाधिक धावा करणारा फलंदाज आहे. मँचेस्टरमध्ये खेळल्या गेलेल्या चौथ्या सामन्याच्या दुसऱ्या डावातही राहुलने उत्कृष्ट खेळ दाखवला. त्याने 90 धावांची खेळी केली, ज्यामुळे भारतीय संघाला सामना ड्रॉ करण्यात मदत मिळाली. आता राहुल पाचव्या कसोटी सामन्यात मोहम्मद अझरुद्दीनचा रेकाॅर्ड मोडू शकतो. (India vs England 5th Test)
खरं तर, भारताचे माजी कर्णधार मोहम्मद अझहरुद्दीनने इंग्लंडविरुद्ध कसोटीत 6 शतके झळकावली आहेत. जर राहुलने पाचव्या सामन्यात 2 शतके केली, तर तो अझहरुद्दीनचा रेकाॅर्ड मोडू शकतो, तर 1 शतक करताच तो अझहरुद्दीनच्या रेकाॅर्डशी बरोबरी करेल. तो सध्या उत्कृष्ट फॉर्ममध्ये असल्याने, सलामीच्या फलंदाजाकडून अशी अपेक्षा केली जाऊ शकते की तो शेवटच्या सामन्यात 2 शतके करून अझरचा रेकाॅर्ड मोडू शकेल. (KL Rahul records)
सध्या राहुलने इंग्लंडविरुद्ध कसोटीत 5 शतके केली आहेत. जर त्याने 2 शतके केली, तर तो इंग्लंडविरुद्ध कसोटीत सर्वाधिक शतके करणारा तिसरा भारतीय फलंदाज (Third Most Test Centuries vs England) बनेल. सर्वाधिक शतके राहुल द्रविड आणि सचिन तेंडुलकरच्या नावावर आहेत. दोघांनी प्रत्येकी 7 शतके केली आहेत.
सुनील गावस्करने आपल्या कसोटी कारकिर्दीत इंग्लंडच्या भूमीवर 15 सामन्यांमध्ये 1,152 धावा केल्या आहेत. तर केएल राहुल त्यांच्या अगदी जवळ उभा आहे. राहुलच्या नावावर आतापर्यंत इंग्लंडमध्ये कसोटीत 1,108 धावा आहेत. अशा परिस्थितीत तो 45 धावा करताच गावस्करचा रेकाॅर्ड मोडेल. पाचवा सामना 31 जुलैपासून लंडनच्या केनिंग्टन ओव्हलमध्ये खेळला जाईल. सर्वांच्या नजरा राहुलवर असतील. त्याने या दौऱ्यावर भारतीय सलामी फलंदाज म्हणून कमाल केली आहे.
केएल राहुलने आतापर्यंत खेळलेल्या 4 सामन्यांच्या 8 डावांमध्ये 511 धावा केल्या आहेत. या दरम्यान त्याची फलंदाजी सरासरी 63.87 राहिली आहे. तर या मालिकेत शुबमन गिलने सर्वाधिक धावा केल्या आहेत. त्याने आतापर्यंत खेळलेल्या 4 सामन्यांच्या 8 डावांमध्ये 722 धावा केल्या आहेत. (KL Rahul’s excellent performance on the England tour)
